2 Korin 4:10 - Label

^10-11 Ning mila laun, a minat i milau ka, anasa mila titol tetek e Iesu. Ana pukakiarla rop mila asangan a minat ane Iesu te na palaomila, sur a taraila lar oroi otleng a lalaun ane Iesu te na palaomila, ning i sira mat.

2 Korin 4:10 ပူးပေါင်းရင်းမြစ်များ

Jon 14:19

“Bel ma i bongnani, sur a taraila mite na rakrakan hanua bel lar oroi iau. Ika mulo, mulor oroi iau. Mulor laun anasa a laun.

A Pas ane Pol tetek a tarai Rom 6:5

Anasa ning dala mat taum o e Iesu ana nuna minat, i momol ot, dalar tur taum ulak otleng onoi ana nuna kamkamtur ulak kusun a minat.

A Pas ane Pol tetek a tarai Rom 6:8

Ning dala mat taum o e Karisito, dala tortorot mang dalar laun taum otleng onoi.

A Pas ane Pol tetek a tarai Rom 8:36

Larning di ka tumus tari ting na Buk Tabu, “A pukakiarla rop a tarai la mang sur lar umkol mila, anasa mila anum na tarai. Mila arlar ana sipsipla ning di sang sur dir umkol la.” Buk Song 44:22

2 Korin 1:5

A tnan kankan ning e Karisito ka kilang tari, i pulpulas o mila pa mila otleng mila kilangi. Larkaotleng ning, o e Karisito, a amoro ane God i pulpulas o mila.

2 Korin 1:9

A momolna, mila nuki mang mila kar mat. A utna ne i hanot sur gong mila tortorot ana rakrakaimila ot, milar tortorot ka o e God, esaning i sira akamtur a minatla.

2 Korin 13:4

I momol, ning di sai ahat e Karisito saot na rakai kutus, bel ta rakrakaina. Ika ana rakrakai e God ot, i laun ulak. Manglarne belal rakrakaim mila taum o e Karisito, ika mila laun taum onoi ana rakrakai e God, sur milar titol tetek mulo.

Galesia 6:17

Onone, bel a mang ulak larning tik ir saran a mamahat tak, anasa a bulurla ne na palaok lar asilangi mang iau ane Iesu.

Kolosi 1:24

Onone a gas ana mamahatla ning a kilangi sur ir nangan mulo. Ana mamahatla ning a kilangi ana palaok, a tolsot pas a mamahatla ane Karisito, sur ar nangan a tarai a lotu, la ning a palaona e Karisito.

2 Timoti 2:11

A warwara ne ar atongi tam, i momol kol: Ning dalar mat taum o e Iesu Karisito, dalar laun taum otleng onoi.

1 Pita 4:13

Ika mulor gas anasa mulo kilang a kankan arlar o e Karisito i kilangi, sur mulor bukus ana gasgas ning e Karisito ir hanot taum ana nun a matatar.

1 Pita 4:14

Ning di atong laulau mulo anasa mulo ane Karisito, mulo angis. Anasa a Inguna e God, a Ingun a matatar, i kes o mulo.

Tatatai 1:17

Ning a oroi i, a punga purum tar napir naur a hana arlar ana minat. Lamur i suah tar a sot a kuna saot hok, pa i atongi mang, “Gong u matmataut, iau a ningnigona pa araropna.