2 Korin 3:8 - Label

⁸ Ika, a tona kunubus ana Talngan Tabu, a matatarna i itna kol tana.

2 Korin 3:8 ပူးပေါင်းရင်းမြစ်များ

Jon 1:17

Ta e Moses, e God i saran tar a warkurai tan dala, ika o e Iesu Karisito i saran tar a marmaris pa a momolna tetek dala.

Jon 7:39

E Iesu i warwara ana Talngan Tabu, ning dir tabar la ono ning la tortorot onoi. Belot di saran a Talngan Tabu, anasa e Iesu belot i kibas anuna matatar.

1 Korin 3:16

Mangasa, bel mulo tasmani mang mulo a rumai ane God, pa a Inguna e God kaning o mulo?

2 Korin 11:4

Anasa mulo gas sur mulor longor tik ning i hanot tetek mulo pa i warawai ana maskana Iesu, bel e Iesu ning mila warawai ono. Pa mulo gas ka sur dir tabar mulo ana maskana ingun, bel a Talngan Tabu. Pa mulo gas ka sur mulor longor a maskana Wakak a Warwara, bel a Wakak a Warwara ning mulo ka tortorot ono.

2 Korin 3:17

A Leklek i a Inguna, pa tik ning a inguna Leklek kaning ono, ir langolango kusun a Warkuraila ane Moses.

2 Korin 3:6

I ot i suah tar mila sur mila na tena titolla ana tona kunubus, pa i saran tar a rakrakai tetek mila sur milar titol onoi. A tona kunubus ne, bel i kamkamna ana warwara na Warkurai ning di ka tumus tari, i kamkamna ot ana Talngan Tabu. A warwara na Warkurai i saran ka a minat, ika a Talngan Tabu i saran a lalaun.

2 Korin 3:7

A Warkuraila ning e God i saran tari tetek e Moses, ning di tumus tari ting na naur a hat, la hanot taum ana matatar ane God. Ning e Moses i losi tetek a tarai Israel, bel la tolsot sur lar oroi a patarna, anasa a patarna i talapor ana matatar ane God. Ika lamur, a talapor ana mermer ning, i rop amon kusuni. A Warkuraila ning la sira saran a minat, la hanot ana matatar manglarne.

2 Korin 3:9

A Warkuraila ane Moses la hanot ana tnan matatar, ika a titol na mur Warkurai i saran ka a minat. Ika a titol ana tona kunubus i atostos a tarai namatana e God, pa a matatarna a titol ne i itna kol.

Galesia 3:14

E Karisito i lou langolango pas dala, sur e God ir angisngis a tarai ning bel a tarai Juda, larning i angisngis e Abaram. Manglarning ana tortorot o e Karisito Iesu, dalar kibas a Talngan Tabu, arlar ana nuna lele.

Galesia 5:5

Ika dala, ana rakrakai ana Talngan Tabu dala harnanai ana tortorot sur e God ir atong dala mang dala tostos.

Epeses 2:18

Anasa o e Karisito ka, a Talngan Tabu i alangolango a ngas anundala rop tetek e Tamandala.

2 Tesalonika 2:13

Na tastasimitol, mulo ning a Leklek i maris mulo, i wakak ning mitol sira atong wakak tetek e God o mulo, anasa e God ka aslang pas mulo miting na kamkamna sur ir alaun mulo. I alaun pas mulo ning a Talngan Tabu i atotoh pas mulo pa mulo tortorot ana momolna.

1 Pita 1:2

E God a Tamandala ka aslang pas mulo ning ka tasman nigon tar mulo, pa a Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna. A marmaris pa bal molmol ir kes tetek mulo, pa ir itna bolos.