2 Korin 3:3 - Label

³ I talapor mang mulo a pas ning e Karisito i tumusi, anasa ana numila a titol tetek mulo. Bel i tumusi ana pen, i tumusi ot ana Inguna e God esaning i laun. Bel i tumusi ting na didiah hatat, i tumusi ot ting na balan a taraila.

2 Korin 3:3 ပူးပေါင်းရင်းမြစ်များ

Matiu 16:16

Pa e Saimon Pita i kelesi mang, “U a Karisito, a Nat e God ning i laun.”

1 Korin 3:5

Esining e Apolos? Pa esi otleng e Pol? Miau naur a tena titol oros ka ane God, pa mulo tortorot o e Karisito anasa ana numiau a titol. Miau taktakai mia tol a titol ning a Leklek i saran tari tetek miau.

2 Korin 3:6

I ot i suah tar mila sur mila na tena titolla ana tona kunubus, pa i saran tar a rakrakai tetek mila sur milar titol onoi. A tona kunubus ne, bel i kamkamna ana warwara na Warkurai ning di ka tumus tari, i kamkamna ot ana Talngan Tabu. A warwara na Warkurai i saran ka a minat, ika a Talngan Tabu i saran a lalaun.

2 Korin 3:7

A Warkuraila ning e God i saran tari tetek e Moses, ning di tumus tari ting na naur a hat, la hanot taum ana matatar ane God. Ning e Moses i losi tetek a tarai Israel, bel la tolsot sur lar oroi a patarna, anasa a patarna i talapor ana matatar ane God. Ika lamur, a talapor ana mermer ning, i rop amon kusuni. A Warkuraila ning la sira saran a minat, la hanot ana matatar manglarne.

2 Korin 6:16

A asasongo na godla pa rumai a artabar ane God diar malmaling taum mangasa? Anasa dala ot a rumai a artabar ane God ning i laun. Larning e God ka atong tari mange, “Ar kes taum onla, pa ar han arpotor tanla. Pa iau anunla a God, pa la anuka taraila.” Liwai 26:12

1 Tesalonika 1:9

Anasa la ot la warwara talapor ana numulo a wakak a toltol ning mulo gas pas mitol. Pa la atatai otleng o mulo, ning mulo ka talingir tar tetek e God, pa bel mulo lotu ma tetek a asasongo na godla. Mulo titol ma tetek e God, esaning a momolna pa a lalauna.

Hibru 10:16

“A Leklek i atongi larne: A kunubus ning ar toli taum onla, ana pukakiarla lamur, i mange: Ar suah tar anuka warkuraila uting na balanla, pa ar tumus tari ting na nuknukinla.” Jer 31:33

Hibru 8:10

A Leklek i atongi larne: A kunubus ning ar toli taum ana tarai Israel, ana pukakiarla lamur, i mange: Ar suah tar anuka warkuraila ting na nuknukinla, pa ar tumus tari uting na balanla. Pa iau a God anunla, pa la anuka tarai.

Hibru 9:14

Ning i momol mang di atotoh a taraila manglarning, i momol kol ning a suluk e Karisito i atotoh dala! Ana rakrakai a Talngan Tabu ning i kes tikin, Karisito i saran tar anuna lalaun tetek e God. Anuna lalaun bel ta dur onoi. A sulukna i atotoh anundala lalaun kusun a minat a titolla ning dalar hirua ono, sur dalar titol tetek e God ning a lalauna.

Tatatai 2:1

“Ur tumtumus tetek a angelo anuna tarai a lotu tumo e Epeses mang: Na warwara ne anun esaning i tong mais a nangnang ana sot a kuna, pa i han potor ting na mais a turtur a lam na gol.

Tatatai 2:12

“Ur tumtumus tetek a angelo anuna tarai a lotu tumo e Pergamum mang: Na warwara ne anun e esaning anuna liwan na harum naur a risna rop dia harat kol.

Tatatai 2:18

“Ur tumtumus tetek a angelo anuna tarai a lotu tumo e Tiatira mang: Na warwara ne anuna Nat e God esaning naur a kalso matana i arlar ana irnga na iah, pa naur a hana dia arlar ana bras ning di ka tun totoh tari ana iah.

Tatatai 2:8

“Ur tumtumus tetek a angelo anun na tarai a lotu tumo e Smerna mang: Na warwara ne anun esaning a ningnigona pa a araropna, ning i mat pas, pa i laun ulak.

Tatatai 3:1

“Ur tumtumus tetek a angelo anuna tarai a lotu tumo e Sardis larne: Na warwara ne anun esaning i tong mais a Inguna e God pa mais a nangnang. A tasman anumulo na titol. A tarai la atongi mang mulo laun, ika mulo ka mat.

Tatatai 3:14

“Ur tumtumus tetek a angelo anuna tarai a lotu tumo e Laodisia larne: Na warwara ne anun esaning di atongi Amen, a tena warwara talapor ane God ning i momol kol, pa kama akakes ane God.

Tatatai 3:22

Esining a talngana kaning, i wakak sur ir longor a warwara ning a Talngan Tabu i atongi tetek a lotula.”

Tatatai 3:7

“Ur tumtumus tetek a angelo anuna tarai a lotu tumo e Piladelpia larne: Na warwara ne anun esaning i tostos, pa i momol. I tong a ki ane Dewit, pa ning ir sapang a taman, bel tik ir tagar lar pasi, pa ning ir tagar, bel tik ir sapang lar pasi.