2 Korin 3:1 - Label

¹ Mangasa, mulo nuki mang mila aleklek pas mila na matamulo? Dingla na tarai la sira los a pasla ning i warwara talapor ana nunla a ngas a lalaun. Mangasa, mulo mang sur milar los ta pas larne tetek mulo? Mangasa, milar nunung mulo sur mulor tumus ta pas larne o mila?

2 Korin 3:1 ပူးပေါင်းရင်းမြစ်များ

Aposel 18:27

Ning e Apolos i mang sur ir han utumo na papar Akaia, la ning la tas ana tortorot to e Epeses, la wunan tari, pa la tumtumus tetek a tarai a asasaer tumo e Akaia, sur lar gas pasi. Pa ning ka hanot tumo na papar e Akaia, i a wakak a tena harnangai tetek la, ning e God ka lingir pas la ana tnan marmaris anunai sur lar tortorot.

A Pas ane Pol tetek a tarai Rom 16:1

A atai mulo ana tasindala e Pibi. A hane ne, a wakak a tena titol miting na tarai a lotu tumo e Senkria.

1 Korin 10:33

A mang sur ar agasgas a tarai rop ana ututnala rop ning a sira toli. Bel a tol ta utna sur ir awakak iau. A tol a ututnala sur ir awakak al galis a tarai, sur e God ir alaun pas la.

1 Korin 16:3

Mulor aslang pas al tarai ning mulo tortorot onla sur lar los anumulo a artabar. Pa ning ar hanot tingia, ar saran tar na pas a warwara talapor tetek la sur lar losi taum ana anumulo a artabar, par sune sen la ono usaot e Jerusalem.

1 Korin 3:10

Ana marmaris ane God ning ka saran tari tak, a titol arlar ana tena tol rumai ning i tastasim. Ia ka atur tar a kama rumai, pa dingla na tarai maleng la titol saot onoi. La rop taktakai ning la titol saot onoi, lar tumarang la anasi na ngas a titol ning la sira toli.

1 Korin 4:15

Ngandek ning anumulo ta bonot arip a tena tai alar, ning la tai alar anumulo na lalaun o e Karisito, ika bel al galis a tamtamamulo. O e Karisito Iesu, iau a tamamulo, anasa a saran a Wakak a Warwara tetek mulo.

2 Korin 10:12

Bel mila sira arlar mila onla ning la atongi mang la itna kol. Ning la arlar artalai la ulak ot, la longlong kol!

2 Korin 10:18

Anasa esining i atong aleklek pasi ot, esaning bel i itna namatana Leklek, ika esining a Leklek i atong aleklek pasi, esaning i itna.

2 Korin 10:8

Ning mulo nuki mang mila sira iaunan mila ana rakrakai ning a Leklek ka saran tari tetek mila, bel mila meme onoi, anasa ka saran tari sur milar arakrakai mulo onoi, bel sur milar alaulau mulo.

2 Korin 12:11

Ia ka atong tar na longlong a warwara ne, anasa bel mulo nuki mang iau a aposel momol. I tostos sur mulo ot mulor oroi lalan iau mang iau a aposel momol. I momol ot, iau a barsan oros ka, ika bel a natarna tanla ning mulo atong la mang a tatatnan na aposella.

2 Korin 12:19

Mangasa, mulo nuki mang mila warwara alar mila ka kusun mulo? Mila warwara ana momolna namatana e God arlar ana tena titolla ane Karisito. A ututnala rop ning mila toli, mila toli sur ir arakrakai mulo.

2 Korin 2:17

Bel mila arlar onla, ning la titol ka ana warwara ane God sur a mani. Ika, o e Karisito mila warwara ana momol namatana e God, anasa i ot i sune sen mila.

2 Korin 5:12

Bel mila mang sur milar aleklek pas mila tetek mulo. Ika mila mang sur mulor iaunan mila, pa mulor keles la ning la sira iaunan la ana saning miting na palaonla ning a tarai la oroi i, ika bel la nuknuk sur a balanla ir totoh.