2 Korin 12:19 - Label

¹⁹ Mangasa, mulo nuki mang mila warwara alar mila ka kusun mulo? Mila warwara ana momolna namatana e God arlar ana tena titolla ane Karisito. A ututnala rop ning mila toli, mila toli sur ir arakrakai mulo.

2 Korin 12:19 ပူးပေါင်းရင်းမြစ်များ

A Pas ane Pol tetek a tarai Rom 12:19

Na halalik, gong mulo keles tik ning i tol a laulauna tetek mulo. Mulor noren tari ka tetek e God sur ir asangan anuna balakut pa ir kelesi. Anasa di ka tumus tari ting na Buk Tabu mange, “A Leklek i atongi mang, ‘Iau ot ar saran a warkurai na arkeles teteki, pa iau ot ar kelesi.’” Lo 32:35

A Pas ane Pol tetek a tarai Rom 14:19

I maining dalar rakrakai kol sur dalar tol otnan a bal molmol, pa dalar arakrakai a tortorot anundala artalai.

A Pas ane Pol tetek a tarai Rom 15:2

Dala rop taktakai dalar nuk pas otleng na halalindala, pa dalar tol a ututnala ning ir nangan la sur ir arakrakai anunla tortorot.

A Pas ane Pol tetek a tarai Rom 9:1

Bel a asongo, a atong ot a momolna ne namatana e Karisito. Pa a Talngan Tabu taum ana balak dia malmaling mang a warwara ne i momol.

1 Korin 10:14

I maining na halalik, gong mulo lotu tetek a asasongo na godla, mulor liu kusun la.

1 Korin 10:33

A mang sur ar agasgas a tarai rop ana ututnala rop ning a sira toli. Bel a tol ta utna sur ir awakak iau. A tol a ututnala sur ir awakak al galis a tarai, sur e God ir alaun pas la.

1 Korin 14:26

Na tastasik, asa ar atongi? Ning mulo kes taum ana lotu, dingla na tarai lar saksak, dingla lar asaer a tarai, dingla lar warwara puasa on ta utna ning e God ka asangan tari tanla, dingla lar warwara ana urmatana ngas a warwara, pa dingla otleng lar pak a kamkamna. A ututnala rop ne dir toli sur ir arakrakai a tarai a lotu.

2 Korin 10:8

Ning mulo nuki mang mila sira iaunan mila ana rakrakai ning a Leklek ka saran tari tetek mila, bel mila meme onoi, anasa ka saran tari sur milar arakrakai mulo onoi, bel sur milar alaulau mulo.

2 Korin 11:10

Momol, a momolna ane Karisito i kes o mila, pa a atai mulo ana momolna mang, bel tik ting na papar Akaia ir sairas lar pas iau sur gong a iaunan iau ana nuk a toltol ne tetek mulo.

2 Korin 11:31

E God, a Taman anundala a Leklek e Iesu Karisito, ning dala atong aleklek pasi onone pa lamur pa bel ir rarop, i tasmani ot mang a atong a momolna.

2 Korin 12:15

A gas ka sur ar saran tar anuk a ututnala rop tetek mulo, pa ar saran tar anuk a lalaun otleng. Ning anuk a marmaris tetek mulo ir itna kol, mangmangasa, anumulo a marmaris tetek iau ir natarna ka?

2 Korin 13:10

Ine a kamkamna ning a tumus na ututnala ne tetek mulo ning belot a hanot. Pa ning ar hanot, bel ar warwara ana rakrakai a warwara tetek mulo, pa bel ar warkurai mulo ana warkurai ning a Leklek i ka saran tari tak. I saran tari tak sur ar arakrakai mulo onoi, bel sur dir alaulau mulo onoi.

2 Korin 2:17

Bel mila arlar onla, ning la titol ka ana warwara ane God sur a mani. Ika, o e Karisito mila warwara ana momol namatana e God, anasa i ot i sune sen mila.

2 Korin 3:1

Mangasa, mulo nuki mang mila aleklek pas mila na matamulo? Dingla na tarai la sira los a pasla ning i warwara talapor ana nunla a ngas a lalaun. Mangasa, mulo mang sur milar los ta pas larne tetek mulo? Mangasa, milar nunung mulo sur mulor tumus ta pas larne o mila?

2 Korin 7:1

Na halalik, e God ka saran tar a lelela ne tetek dala, i maining dalar atotoh pas dala kusun a ututnala rop ning i adur a palaondala pa a ingundala. Pa dalar totoh arlar ana taraila ane God, anasa dala sira hanrawai teteki.

Pilipai 4:1

Na tastasik, mulor tur rakrakai ana Leklek lar otning ia ka atai tar mulo ono. Na halalik a mang kol sur mulo pa mang sur ar oroi mulo, anasa mulo anuka gasgas pa mulo arlar ana arlou ana nuk a titol.

1 Tesalonika 5:11

Pa mulor warwara na harnangai artalai tetek mulo, pa mulor arakrakai mulo, mang ot larning mulo sira toli.

Hibru 6:9

Na halalimila, mila ka atong tar a rakrakai a warwarala ne ta mulo. Ika mila tasman momoli mang mulo mur a wakak a ngas, ning ir sot sur a tarai ning e God ka alaun pas la.