2 Korin 11:29 - Label

²⁹ Ning tik anuna tortorot bel i rakrakai, iau otleng ar kilangi larne. Ning tik di ka ben tari uting na toltol laulau, ir itna kol anuk a bal maris ono.

2 Korin 11:29 ပူးပေါင်းရင်းမြစ်များ

Matiu 11:6

Esining i oroi a ututnala ne a toli, pa anuna tortorot bel i punga, ka angis.”

Jon 2:17

Anuna kakak a asaer la nuk pas a warwara ting na Buk Tabu mange, “A tnan nuknukik sur anuma rumai i arlar ana iah ning i ien iau.” Buk Song 69:9

A Pas ane Pol tetek a tarai Rom 12:15

Ning a tarai la gas, mulor gas taum onla. Pa ning la bal maris, mulor bal maris taum onla.

A Pas ane Pol tetek a tarai Rom 15:1

Dala ning dala tur rakrakai, i wakak ning dalar nangan la ning bel la tur rakrakai ana tortorot. Pa gong dala nuk pas dala ka.

1 Korin 11:22

Mangasa, bel al rumai anumulo sur mulor hangan pa mulor gang ia? Mangasa, mulo oroi purpurum a tarai a lotu ane God, pa mulo ame la ning la kapan? Asa ning ar atongi tetek mulo? Mangasa, ar atong aitna pas mulo ana toltol ne? Bel!

1 Korin 12:26

Ning ta diah palaondala i kankan, a didiah palaondala rop lar kilangi taum onoi. Ning di atong aitna pas ta diah palaondala, a didiah palaondala rop lar gas taum onoi.

1 Korin 15:36

U a longlong! Ning u oman a pata rakai, ning bel ir mat pas, bel ir laun.

1 Korin 8:13

I maining, ning a utna a ieni, ir apungan a tasiklik ana toltol laulau, bel ar ien ulak ma ta diah inagoi, sur gong ar apungan a tasiklik ana toltol laulau.

1 Korin 8:9

Mulo langolango sur mulor ien a utna ning tik ka artabar tar onoi tetek a asasongo na godla. Ika mulor tumarang mulo, sur gong anumulo a toltol ning ir apungan tar la ning anunla a tortorot bel i rakrakai.

1 Korin 9:22

Ning a kes taum ana taraila ning bel la rakrakai, iau otleng bel a rakrakai, sur ar ben pas la tetek e Karisito. A laun arlar ana urmatana taraila rop, pa a mur a urmatana ngas rop sur ar alaun dingla na tarai.

2 Korin 13:9

Ning mulo rakrakai pa mila bel mila rakrakai, mila gas ka. Pa mila nunung sur mulor tostos ana numulo a tortorot.

Galesia 2:14

Ning a oroi a utna ne la toli, bel i mur a momolna ana Wakak a Warwara, a atai e Pita namatanla rop mang, “Pita, u a te Juda, ika u laun arlar ana taraila ning bel a tarai Juda, ning u kes pa u hangan taum onla. Asa kamkamna ning u angongos a taraila ning bel a tarai Juda sur lar mur a toltol anuna tarai Juda?

Galesia 6:2

Mulor nangan artalai mulo ana numulo na mamahatla. Ning mulo toli larne, mulo tolsot pas a warkurai ane Karisito.

Tatatai 2:2

A tasman anumulo na titol pa anumolo na rakrakai a titol, pa anumulo a tuntunur rakrakai ning mulo kilang a kankan. A tasmani mang bel mulo noren tar na laulau a tarai. Pa mulo ka lar tar la ning la atong la na aposel, ika belsur la na aposel momol, pa mulo ka oroi lalan la mang na tena asasongo.

Tatatai 2:20

Ika a tiu mulo ana utna ne: Bel mulo lu sen e Jesabel, a hane ning i atongi mang i a propet. I asaer rongon anuk na tena titol oros, sur lar tol a toltol na pamuk pa sur lar ien a utna ning di ka artabar tar ono tetek a asasongo na godla.