2 Korin 11:20 - Label

²⁰ Momol, mulo noren la sur mulor na tena titol oros ka anunla, pa sur lar alaulau mulo, pa lar arop sen anumulo na ututnala, pa lar aitna pas la na matamulo, pa lar pasar na patarimulo.

2 Korin 11:20 ပူးပေါင်းရင်းမြစ်များ

A Wakak a Warwara o e Iesu Karisito i tumusi 12:40

La sira amus a gongon anuna laola, pa la sira laes na tol a barbara a nunungla. Ir itna kol a warkurai ane God tetek la.”

Luk 6:29

Ning tik ir pasar a ris a paham, ur saran otleng ning a ris tana. Ning tik ir ras pas anuma kaen na polpol alar anuma mermer, ur noren tar otleng anuma siot tana.

1 Korin 4:11

Tuk onone mila sira murak, pa mila sira mos, mila sira pipis na taktaksilir a kaen, di sira um laulau mila, pa bel ta rumai anumila.

2 Korin 1:24

Bel mila mang sur milar warkurai sur anumulo a tortorot. Mila mang ka sur milar titol taum o mulo, sur mulor gas, anasa mulo ka tur rakrakai ana tortorot.

2 Korin 10:5

Mila kamar sen a asasongo na warwarala ning a taraila la iaunan la ono, pa i sairas a taraila sur gong la tasman e God. Pa mila dat lingir a nuknuk a taraila, sur lar longor tetek e Karisito.

2 Korin 11:3

Ika onone, a matmataut sakana dir ben rongon a nuknukimulo kusun anumulo a toltol ning bel ta dur onoi, pa anumulo a tortorot momol o e Karisito, arlar ana soi i asongo pas e Iwa.

2 Korin 12:16

Mulo ka tasmani mang bel a nunung pas ta mani ta mulo. Ika, sakana tik tagun mulo ir atongi mang iau a tena tastasim pa ia ka asongo pas ta utna ta mulo.

Galesia 2:4

Mila warwara ana utna ne, anasa dingla na asasongo na tena tortorot, la ka kas kumna tar tetek a tena tortorotla. La mang sur lar turan a keskes langolango ning dala ka kibas pasi ta e Karisito Iesu, sur lar tol dala lar a tena titol orosla ulak ana Warkurai.

Galesia 4:25

E Hagar i tur aslang a mangir Sinai tumo e Arebia, pa i arlar o e Jerusalem onone, anasa i kes na tena titol oros taum ana natnatna.

Galesia 4:3

Mang otleng larning tetek dala, ning e Karisito belot i hanot, dala arlar lar a kaklik, dala a tena titol oros ana motla mite na rakrakan hanua.

Galesia 4:9

Ika onone mulo ka tasman a momol a God. Momol, e God i tasman mulo. Pa sur asa ning mulo ulak sur a ingun laulau orosla mite na rakrakan hanua ning bel al rakrakainla pa bel la to pas ta utna? Mangasa, mulo mang sur mulor na tena titol oros ulak anunla?

Galesia 5:1

E Karisito ot ka alangolango pas dala, sur dalar langolango momol. Mulor tur rakrakai, pa gong mulo noren tar tik sur ir dot akes ulak mulo sur mulor arlar ana tena titol orosla.

Galesia 5:10

Ika iau ot, a tortorot mang a Leklek ir nangan mulo sur mulor malmaling taum hok. Pa esining i aloklokron a nuknukimulo, ir kilang ot a rakrakai a warkurai ane God teteki.

Galesia 6:12

La ning la tohi sur lar ngongos pas mulo sur dir kot talilis mulo, la toli anasa la mang sur lar aleklek pas la namatana taraila. La toli larne anasa la matmataut sakana dir akadik la, ning lar warawai ka ana tortorot ana rakai kutus ane Karisito.

Pilipai 3:19

La han ka sur a hirua, asaning a palaonla i mang suri la muri ka. La aunan la ana toltolla ning di sira meme onoi. A nuknukinla i kes ka sur a ututnala mite lapiu.

1 Tesalonika 2:5

Mulo ka tasmani mang bel mitol agasgas mulo anal namnamin a warwara, pa bel mitol nuknuk kumna sur ta mani ta mulo. E God i oroi pa i tasman mitol.