2 Korin 11:19 - Label

¹⁹ Mulo noren tar ka na longlong a tarai sur lar asaer mulo, anasa mulo tastasmai kol.

2 Korin 11:19 ပူးပေါင်းရင်းမြစ်များ

1 Korin 10:15

A warwara tetek mulo ning mulo ka tastasman. Pa mulo ot mulor warkurai wakak anuka warwara ne.

1 Korin 4:10

A tarai la nuki mang mila na longlong anasa mila sira mur e Karisito. Ika mulo, mulo nuki mang mulo na tena tastasim ana numulo na lalaun o e Karisito. Mila, bel mila rakrakai, ika mulo, mulo nuki mang mulo rakrakai. Mulo, di aitna pas mulo, ika mila, di oroi purpurum mila.

1 Korin 8:1

Ar atai mulo ana ututnala na hangan ning di ka artabar tar onoi tetek a asasongo na godla. Dala tasmani mang, dala rop dala ka tastasmai. A tastasim i sira tol otnan a toltol sur tik ir aitna pasi, ika a marmaris i sira tol otnan a toltol sur tik ir arakrakai a taraila.

Tatatai 2:2

A tasman anumulo na titol pa anumolo na rakrakai a titol, pa anumulo a tuntunur rakrakai ning mulo kilang a kankan. A tasmani mang bel mulo noren tar na laulau a tarai. Pa mulo ka lar tar la ning la atong la na aposel, ika belsur la na aposel momol, pa mulo ka oroi lalan la mang na tena asasongo.

Tatatai 3:17

Mulo atongi mang, ‘Mila gongon, mila suah taum a galis a gongon pa bel mila kapan sur ta utna.’ Ika bel mulo oroi lalani mang anumulo a keskes bel i wakak, mulo pot na marmaris, mulo kapan, mulo kut pa mulo mengere.