2 Korin 11:15 - Label

¹⁵ Pa bel dalar kulkulan otleng ning anuna tena titolla lar lingir pas la sur lar arlar ana tena titolla tagun a tostos a toltol. Lamur lar los anunla na arlou, arlar ot ana nunla na laulau a titol.

2 Korin 11:15 ပူးပေါင်းရင်းမြစ်များ

Aposel 13:10

pa i atai i mange, “U a nat e Satan, u a hirua ana tostos a toltol rop. U bukus ana urmatana asasongo pa ana asobor. Nangse ma ur manah kusun anuma toltol ning u lingir kol a tostos a ngas anuna Leklek?

A Pas ane Pol tetek a tarai Rom 2:6

E God ir warkurai a taraila taktakai arlar ot ana titol ning la ka tol tari.

A Pas ane Pol tetek a tarai Rom 3:8

Ngandek tik ir atongi mang, “Dalar tol a laulauna sur a wakakna ir hanot talapor.” Dingla na tarai la atong laulau mila pa la tiu mila mang mila asaer a tarai larne. Ika bel i momol. La ning la atong a warwara ne i sot sur lar hirua ana warkurai ane God.

1 Korin 9:11

Mila ka oman tar a warwara na ingun arpotor tamulo. I tostos sur mulor tabar mila on al utna sur milar laun onoi.

2 Korin 11:13

Anasa a taraila ning, a asasongo na aposella, a asasongo na tena titolla, pa la lingir pas la sur lar arlar ana aposella ane Karisito.

2 Korin 11:23

La na tena titolla ane Karisito, gepi? Iau a wakak a tena titol tanla rop. A warwara arlar lar a longlong. A titol rakrakai kol tanla rop, ia ka kes pas ting na rumai a dodot a galis a taem, na harumla di toli hok i rakrakai kol, a galis a pukakiar milau ar mat. A ututnala rop ning di toli o mila i itna tana utna ning di toli onla.

2 Korin 3:9

A Warkuraila ane Moses la hanot ana tnan matatar, ika a titol na mur Warkurai i saran ka a minat. Ika a titol ana tona kunubus i atostos a tarai namatana e God, pa a matatarna a titol ne i itna kol.

Epeses 6:12

Anasa bel dala harum taum ana tarai, dala harum taum ana ningnigola anuna laulau a ingunla, a ingunla ning la tong akes a rakrakai sur lar warkurai, a ingunla ning la tong akes a rakrakai ana mormorom te na rakrakan hanua, pa a laulau a ingunla miting na solsol.

Pilipai 3:19

La han ka sur a hirua, asaning a palaonla i mang suri la muri ka. La aunan la ana toltolla ning di sira meme onoi. A nuknukinla i kes ka sur a ututnala mite lapiu.

2 Pita 2:3

Ana nunla na tnan nuknuk sur a mani, lar asongo tar mulo ana namnamin a warwara oros ka, sur lar kibas anumulo na mani. Ika anunla warkurai na arkeles, tagun nating ot i ka sang pa bel i borbor, pa milau ir hanot.

A Pas ane Jut 1:4

A tumtumus, anasa dingla na tarai la ka kas kumna tar tetek mulo. Bel la mur a nuknuk e God, pa lar han tostos sur a hinirua, larot ning di ka tumus tari natnating ot ting na Buk Tabu. La lingir laulau a marmaris ane God, pa la atongi mang, “I wakak ka ning dalar tol na toltol a pamuk.” Pa la puain sen anundala a Ningnigo pa anundala Leklek, e Iesu Karisito, i takai sot ka.

Tatatai 13:14

I ben rongon a tarai ning la kes te na rakrakan hanua, anasa ana akinalangla ning i toli ana rakrakai ning di saran tari tana suir nangan a ningnigo na rokoio a inagoi onoi. I atai la sur lar atur a manar a ningnigo na rokoio a inagoi sur lar aitna pasi onoi. A ningnigo na rokoio a inagoi ning nating di so tari ana liwan a harum, ika i laun ot.

Tatatai 13:2

Pa rokoio a inagoi ning a oroi i arlar ana lepat, ika naur a hana i arlar ana naur a hana bea, pa a pahana i arlar ana pahana laion. A dregon ning, i saran tar a rakrakaina, pa nun a keskes a king, pa anuna tnan warkurai tetek a rokoio a inagoi.

Tatatai 9:11

A angelo miting na tnan tung ning bel ta araropna, esaning anunla a king. Di atong a risana ana warwara Hibru Abadon, pa ana warwara Grik Apolion.