2 Korin 10:7 - Label

⁷ Mulor oroi wakak a ututnala! Ning tik i nuki mang i ane Karisito, i wakak sur ir nuknuk wakak pa ir oroi lalani mang mila otleng ane Karisito, arlar ka onoi.

2 Korin 10:7 ပူးပေါင်းရင်းမြစ်များ

Matiu 23:5

Anunla na titol rop, la toli ka, sur a tarai lar oroi la. Mulo sira akas tar a dingla na warwara na Buk Tabu ting na nanatar a boksla, pa mulo doti ting na patarimulola. Ika a Parisaiola, anunla na nanatar a boksla i palar kol. Pa mulo sira dot a kulola ting na sinir ana numulo a kaen a nunung. Ika a Parisaiola, anunla a kulola i barah kol.

Luk 16:15

Pa e Iesu i atai la, “Mulo, mulo atostos pas mulo namatana taraila. Ika e God i tasman a balamulo. Anasa a utna ning i ngangaten namatana taraila i bilbilor namatana e God.

Jon 7:24

Gong mulo warkurai ana numulo na tatatai ka, mulor warkurai ana warkurai ning i tostos.”

1 Korin 1:12

Ar pak a kamkam a warwara ne mang: Dingla na tarai o mulo la atongi mang, “A mur e Pol,” dingla la atongi mang, “A mur e Apolos,” dingla la atongi mang, “A mur e Pita,” pa dingla otleng la atongi mang, “A mur e Karisito.”

1 Korin 14:37

Ning tik i nuki mang i ot a propet, o i nuki mang a Talngan Tabu kaning i kes onoi, i wakak sur ir tasmani mang asaning a tumusi tetek mulo, i a warkurai ot anuna Leklek.

1 Korin 15:23

Ika a tinan ana kamkamtur ulak i manglarne: E Karisito a ningnigo na barsan ning i kamtur ulak kusun a minat, pa lamur ning ir hanot ulak, la ning anuna, la otleng.

1 Korin 3:23

Pa mulo ane Karisito, pa e Karisito ane God.

1 Korin 9:1

Ia ka langolango. Iau a aposel. A oroi tar ot e Iesu anundala a Leklek. Anumulo a lalaun taum ana Leklek, i a wana tagun anuka titol.

2 Korin 10:1

Iau, e Pol, ning dingla na tarai la atongi hok mang, a sira anatarna pas iau ning a tai taum o mulo, ika ning a kes masik anuka warwara tetek mulo i rakrakai kol. A nunung mulo sur mulor longor iau, anasa e Karisito i anatarna pasi, pa i titol ana wowon na magirana tetek a taraila.

2 Korin 11:18

A galis a tarai la iaunan pas la arlar ana toltol anuna rakrakan hanua, i maining iau otleng ar iaunan pas iau ot.

2 Korin 11:23

La na tena titolla ane Karisito, gepi? Iau a wakak a tena titol tanla rop. A warwara arlar lar a longlong. A titol rakrakai kol tanla rop, ia ka kes pas ting na rumai a dodot a galis a taem, na harumla di toli hok i rakrakai kol, a galis a pukakiar milau ar mat. A ututnala rop ning di toli o mila i itna tana utna ning di toli onla.

2 Korin 11:4

Anasa mulo gas sur mulor longor tik ning i hanot tetek mulo pa i warawai ana maskana Iesu, bel e Iesu ning mila warawai ono. Pa mulo gas ka sur dir tabar mulo ana maskana ingun, bel a Talngan Tabu. Pa mulo gas ka sur mulor longor a maskana Wakak a Warwara, bel a Wakak a Warwara ning mulo ka tortorot ono.

2 Korin 12:11

Ia ka atong tar na longlong a warwara ne, anasa bel mulo nuki mang iau a aposel momol. I tostos sur mulo ot mulor oroi lalan iau mang iau a aposel momol. I momol ot, iau a barsan oros ka, ika bel a natarna tanla ning mulo atong la mang a tatatnan na aposella.

2 Korin 13:3

Mulo mang sur mulor tasman momoli mang a warwara ana warwara ane Karisito, gepi? A rakrakai e Karisito bel i natarna, i sira titol napirimulo ana rakrakai.

2 Korin 5:12

Bel mila mang sur milar aleklek pas mila tetek mulo. Ika mila mang sur mulor iaunan mila, pa mulor keles la ning la sira iaunan la ana saning miting na palaonla ning a tarai la oroi i, ika bel la nuknuk sur a balanla ir totoh.

Galesia 3:29

Ning mulo ane Karisito, mulo na natnat e Abaram, pa mulor kibas a utna ning e God i lele tar onoi tetek e Abaram.

1 Jon 4:6

Dala tagun e God, pa esining i tasman e God i longor dala. Ika esining bel tagun e God bel i longor tan dala. Larning dala oroi lalan a Talngan Tabu ning i momol, pa a laulau a inguna ning a tena asasongo.