2 Korin 10:5 - Label

⁵ Mila kamar sen a asasongo na warwarala ning a taraila la iaunan la ono, pa i sairas a taraila sur gong la tasman e God. Pa mila dat lingir a nuknuk a taraila, sur lar longor tetek e Karisito.

2 Korin 10:5 ပူးပေါင်းရင်းမြစ်များ

Matiu 15:19

Ine a ututnala ning i sira purum miting na nuknukna: a nuknuk laulau, umkol a mainla, a toltol laulau ana ta hane anuna tik o ta barsan anuna tik, na toltol a pamuk, a kinkinau, a artitiu asasongo, pa di anan saksakan tik.

Luk 1:51

I tol a rakrakai a titol ana kuna, pa ana rakrakaina i minggen sarara la ning la rakan aleklek la ana nuknukinla.

A Pas ane Pol tetek a tarai Rom 1:21

La tasman ot e God, ika bel la aleklek pasi larning i e God, pa bel la atong wakak otleng teteki. La nuknuk oros ka, pa a balanla i mormorom, anasa bel ta tastasman inla.

A Pas ane Pol tetek a tarai Rom 1:5

O e Karisito ot, e God i maris mila pa i saran a titol na aposel tetek mila, sur milar aleklek pas a risana. Mila sira warawai tetek a tarai rop ning bel na tarai Juda, sur lar tortorot pa lar longor onoi.

A Pas ane Pol tetek a tarai Rom 16:26

Ika onone, ka hanot talapor. Mila warwara talapor ana asaning a propetla la atong tari o e Karisito. Mila toli arlar larning e God, ning i laun tikin, i atai tar mila sur milar toli, sur a taraila miting na matanitu rop, lar tortorot pa lar muri.

A Pas ane Pol tetek a tarai Rom 7:23

Ika, ana palaok a oroi otleng ning a ngas a rakrakai, ning bel i mur a warkurai ane God. I harum taum ana wakak a warkurai te na nuknukik, pa i dot akes iau sur a didiah palaok i kes na dodot ana toltol laulau.

1 Korin 1:19

Anasa e God ka atong tari ting na Buk Tabu larne, “Ar kamar sen a tastasim anuna tena tastasmanla, pa ar apungan sen a wakak na nuknuk anun la ning la mananos.” Ais 29:14

1 Korin 3:19

Anasa a tastasim mite na rakrakan hanua, a longlong a utna ka namatana e God. Larning di ka tumus tari ting na Buk Tabu mang, “I sira kun sot pas na tena tastasim ana nunla na tastasim ot.” Jop 5:13

2 Korin 11:20

Momol, mulo noren la sur mulor na tena titol oros ka anunla, pa sur lar alaulau mulo, pa lar arop sen anumulo na ututnala, pa lar aitna pas la na matamulo, pa lar pasar na patarimulo.

2 Korin 9:13

A titol ne mulo toli, i amomol anumulo a tortorot. Pa a galis lar atong aleklek pas e God, anasa anumulo a tortorot ana Wakak a Warwara o e Karisito i saran a toltol na longor. Pa lar atong leklek e God ana numulo a wakak a toltol ning mulo tabar la pa a tarai rop otleng.

Pilipai 4:7

Pa bal molmol ane God ning i itna kol tana tastasmai rop anuna taraila, ir tai alar a balamulo pa a nuknukimulo, anasa mulo ane Karisito Iesu.

2 Tesalonika 2:4

Ir harum na warwara ana ututnala rop ning a tarai la atong la mang a godla pa la lotlotu tetek la, pa ir aitna pas i ot, pa ir kes ana rumai a artabar ane God, pa ir atatai onoi mang i ot e God.

2 Tesalonika 2:8

Lamur a barsan na kutus warkurai ir hanot talapor, pa a Leklek e Iesu ir kamar seni ana wuwu na pahana, pa ir alaulau i ana matatar ana nuna tinan ot.

Hibru 4:12

Anasa a warwara ane God i laun pa i titol. I harat kol tana liwan na harum ning naur a ris. I kas pa i kokot tuk ana pukna ning a ingundala pa balandala dia han taum ia. Pa i kas pa i kokot tuk ana pukna ning a surla la han taum ia. Pa i warkurai a nuknukindala pa balandala.

Hibru 5:9

Ning e God ka tol sot pas a titol ning o e Natnalik, e Natnalik i hanot a kama titol na alaun tikin tetek la rop ning la mur anuna warwara.

1 Pita 1:2

E God a Tamandala ka aslang pas mulo ning ka tasman nigon tar mulo, pa a Talngan Tabu i atotoh mulo, sur mulor longor tetek e Iesu Karisito, pa dir lamir mulo ana sulukna. A marmaris pa bal molmol ir kes tetek mulo, pa ir itna bolos.

1 Pita 1:22

Pa onone, ning mulo ka longor ana momol a warwara, mulo ka totoh, sur mulor mang momol sur na tastasimulo ana tortorot. Larning mulor mang artalai sur mulo ana marmaris momol ting na balamulo.