2 Korin 1:3 - Label

³ Dalar atong aleklek pas e God a Taman a Leklek anundala e Iesu Karisito, pa a Tamandala otleng, ning a tena marmaris, pa a kamkama ngas a armoro rop.

2 Korin 1:3 ပူးပေါင်းရင်းမြစ်များ

Jon 10:30

Miau ma e Tata, miau takai ka.”

Jon 20:17

E Iesu i atai i mange, “Gong u tong a palaok, anasa belot a han kas usaot tetek e Tata. Ika ur han tetek na tastasikla, pa ur atai la mang, ar han usaot tetek e Tata pa e Tamamulo, tetek anuka God pa anumulo a God.”

2 Korin 11:31

E God, a Taman anundala a Leklek e Iesu Karisito, ning dala atong aleklek pasi onone pa lamur pa bel ir rarop, i tasmani ot mang a atong a momolna.

2 Korin 7:6

Ika, e God ning i sira amoro a taraila ning la bal maris, i amoro mila ana tinan ot ane Taitus tetek mila.

Epeses 1:17

A sira nunung mang e God anuna Leklek anundala e Iesu Karisito, a Tamandala ning i bukus ana matatar, ir tabar mulo ana tastasmai miting tana Talngan Tabu, pa ir atalapor a nuknukimulo, sur mulor tasman wakak e God.

Epeses 1:3

Dalar atong leklek pas e God, a Tamana e Iesu Karisito anundala Leklek. I angisngis dala ana ututnala rop misaot na langit sur ir nangan a ingundala, ning dala kaning o e Karisito.

Pilipai 2:11

pa la rop lar atong puasa i mang e Iesu Karisito i a Leklek, sur lar aitna pas e God a Tamandala.

Kolosi 1:3

Ning mia nunung sur mulo, mia sira atong wakak tetek e God, e Tamana nundala Leklek e Iesu Karisito,

1 Pita 1:3

Dalar atong aleklek pas e God, a Taman anundala Leklek e Iesu Karisito. Ana nun a tnan marmaris, i agon tona pas dala. I maining dala harnanai ana tortorot sur a lalaun tikin, anasa e Iesu Karisito i kamtur ulak kusun a minat,

2 Jon 1:4

A gas kol ning a longori mang na natnatum la mur a momolna, arlar ana warkurai e Tamandala ka saran tari tetek dala.

2 Jon 1:9

La ning la han masik kusun a asasaerla ane Karisito pa bel la muri, e God bel i kes onla. Ika la rop ning la mur a asasaerla ne, a Tamandala pa e Natnalik dia kes onla.