2 Korin 1:1 - Label

¹ Iau e Pol, a aposel anun e Karisito Iesu ana nuknuk e God, miau ma e Timoti a tasindala, mia tumus a pas ne tetek mulo a tarai a lotu ane God tingia e Korin, pa a tarai rop ane God ting na papar Akaia.

2 Korin 1:1 ပူးပေါင်းရင်းမြစ်များ

Aposel 16:1

Ana tinan ane Pol pa e Sailas dia hanot uting e Derbe pa lamur uting e Listra. Ning tagun a tarai a asasaerla i kes ting na hanua Listra, a risana e Timoti, a nat a hane Juda, a tena tortorot, pa e tamana a te Grik.

A Pas ane Pol tetek a tarai Rom 15:26

Na tena tortorot to na naur a papar Makedonia pa e Akaia la gas sur lar minggen taum a mani, sur lar nangan a tarai ane God ning la kapan saot e Jerusalem.

A Pas ane Pol tetek a tarai Rom 16:21

E Timoti, esaning mia titol taum ana titol ane Karisito, i saran anuna marmaris tetek mulo. Pa natola maik otleng, e Lusius, Jeson pa e Sosipater, ditol saran tar anunditol a marmaris tetek mulo.

A Pas ane Pol tetek a tarai Rom 16:5

Mulor saran anuka marmaris otleng tetek a tarai a lotu ning la sira lotu taum ting na nundiau a rumai. Mulor saran anuka marmaris tetek a halik e Epainetus, i a ningnigo na barsan mitimo na papar Esia ning i lingir a nuknukna pa i tortorot o e Karisito.

1 Korin 10:32

Gong mulo tol ta utna ning ir apungan tik anasa ir tol a toltol ning a nuknukna ir tiwi onoi. Tik miting na tarai Juda, o miting na tarai ning bel a tarai Juda, o miting na tarai a lotu ane God.

1 Korin 16:10

Ning e Timoti ir hanot tetek mulo, mulor tai alari sur gong i matmataut ning i kes napirimulo, anasa i tol a titol anuna Leklek, arlar hok otleng ning a toli.

1 Korin 16:15

Mulo ka tasmani mang a tarai ning la kes ting na rumai ane Stepanas, la a ningnigo na tarai ning la lingir a nuknukinla ting na papar Akaia, pa la ka saran tar la sur lar nangan a tarai ane God. A nunung mulo na tastasik,

1 Korin 16:24

Anuk a marmaris tetek mulo rop o e Karisito Iesu. Amen.

1 Korin 6:11

Dingla na tarai o mulo, nating mulo sira tol a toltolla ne. Ika, ana risan a Leklek e Iesu Karisito, pa ana Inguna e God anunla, e God ka gos pas mulo kusun anumulo na toltol laulau, sur mulo anuna taraila, pa ka atong mulo mang mulo na tena tostos.

2 Korin 1:19

Iau, Sailas pa e Timoti, mitol warawai tetek mulo o e Iesu Karisito, a Nat e God. E Karisito bel i sira malmaling pas pa lamur ir puai. Ir tolsot pasi ot anuna warwara.

2 Korin 1:23

A nunung e God sur ir apuasai mang a atong a momolna. Bel a han ulak tetek mulo to e Korin, anasa bel a mang sur a nuknukimulo ir mamahat on al rakrakai a warwara ning ar atongi tetek mulo.

2 Korin 11:10

Momol, a momolna ane Karisito i kes o mila, pa a atai mulo ana momolna mang, bel tik ting na papar Akaia ir sairas lar pas iau sur gong a iaunan iau ana nuk a toltol ne tetek mulo.

2 Korin 9:2

Anasa ia ka tasmani mang mulo gas sur mulor tol a titol ne. A iaunan pas mulo, ning mulo kes to na papar Akaia, tetek a taraila tumo na papar Masedonia. Pa a atai la mang, ana rau ning i rop, mulo sang sur mulor saran sen anumulo a mani. Pa numulo a gasgas sur a artabar i akamtur a nuknukin a galis a tarai kol onla sur la otleng lar artabar.

Galesia 1:1

Iau e Pol, a aposel, a tumus a pas ne tetek mulo. Bel ta barsan mite lapiu i aslang pas iau, pa bel otleng a tarai la sune iau sur ar aposel. E Iesu Karisito ot pa e God e Tamana, dia aslang pas iau. E God, esaning i akamtur ulak pas e Iesu kusun a minat.

Galesia 3:26

Onone mulo rop a natnat e God, anasa mulo tortorot o e Karisito Iesu.

Epeses 1:1

Iau e Pol, aposel ane Karisito Iesu ana nuknuk e God. A tumus a pas ne tetek mulo a tarai ane God, ning mulo kes tingia e Epeses, ning mulo na momol a tena tortorot o e Karisito Iesu.

Pilipai 1:1

Iau e Pol, miau ma e Timoti, naur a tena titol oros ane Karisito Iesu, mia tumtumus tetek mulo na tarai rop ane God, ning mulo laun o e Karisito Iesu, ting na hanua Pilipai, taum ana ningnigola tagun a lotu pa na tena harnangai.

1 Tesalonika 1:1

Iau e Pol, Sailas, pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito. A marmaris pa a bal molmol tetek mulo.

1 Tesalonika 3:2

Pa mia ka sune tar e Timoti a tasindala, pa a tena titol ane God taum o miau, ning mitol sira warwara talapor ana Wakak a Warwara o e Karisito. Mia ka sune seni tetek mulo, sur ir arakrakai mulo, pa ir warwara na harnangai tetek mulo ana numulo na tortorot,

2 Tesalonika 1:1

Iau e Pol, Sailas pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito.

1 Timoti 1:1

Iau e Pol, esaning e God pa e Karisito Iesu dia sune iau sur ar aposel ane Karisito Iesu. E God anundala Tena Alaun pa e Karisito Iesu, esaning dala harnanai suri ana tortorot.

2 Timoti 1:1

Iau e Pol, a aposel ane Karisito Iesu ana nuknuk ane God, sur ar atatai ana lalaun ning ka lele tari tetek dala ning dala ane Karisito Iesu.

Taitus 1:1

Iau e Pol a tena titol oros ane God pa a aposel ane Iesu Karisito, sur ar nangan a tortorot ana tarai a aslang ane God, pa ar asaer la sur lar tasman a momolna. A momolna ning ir ben la sur lar mur a toltol ning e God i mang suri.

Pilimon 1:1

Iau, e Pol, a kes ting na rumai a dodot anasa a tortorot o e Karisito Iesu. Miau ma e Timoti a tasindala, mia tumus a pas ne tetek u Pilimon, a wakak a halimila ana titol,

Hibru 13:23

Ar atai mulo mang, a tasindala e Timoti, di ka apurum seni kusun a rumai a dodot. Ning ir hanot kapit ute, miau rop miar hanot tetek mulo.