1 Timoti 6:5 - Label

⁵ A nuknukinla i loklokron pa la balakut artalai tetek la, pa a momolna i rop oros kusun la. La nuki mang ning lar mur a toltol ning e God i mang suri, ir tol otnan a mani sur lar losi.

1 Timoti 6:5 ပူးပေါင်းရင်းမြစ်များ

Matiu 12:33

“Ning a rakai i wakak, i sira suah a wakak a wana, pa ning a rakai i laulau, i sira suah a laulau a wana. Dir oroi lalan a rakai ana wana.

Matiu 21:13

Pa i atai la mang, “Di ka tumus tari ting na Buk Tabu mang, ‘Dir atong anuka rumai ana rumai a nunung.’ Ais 56:7 Ika mulo ka keles pasi sur ir arlar ana ‘pukna na mumun ana tena kinkinaula.’” Jer 7:11

Matiu 23:13

E Iesu i atongi mang, “Ir laulau kol tetek mulo a tena asaerla tagun a warkurai pa a Parisaiola, mulo na tena asasongo. Mulo tagar alar a tarai sur gong la kas ana matanitu misaot na langit. Pa mulo ot, bel mulo kas ono, pa a tarai ning la mang sur lar kas, bel mulo noren la sur lar kas.

1 Korin 11:16

Ning tik ir ururai ana warwara ne, ar atongi larne: Bel mila mur ta toltol masik, pa a tarai rop otleng ane God ting na hananuala, bel la mur ta toltol masik.

2 Tesalonika 3:6

Na tastasimitol, mitol nunung mulo ana risana Leklek e Iesu Karisito, sur mulor han masik kusun na tastasindala ning la ngoro pa bel la mur a asasaerla ning mitol atai mulo onoi.

1 Timoti 1:6

Dingla na tarai la ka han masik kusun a wakak a toltol ne, pa la mur a warwara oros kama.

1 Timoti 3:3

Pa gong i a tena gang, gong i a tena harum, ir tena bal molmol, gong i tena arlak, pa gong i mang kol sur a mani.

1 Timoti 3:8

Mang otleng larning tetek a tena harnangai ana lotu, i wakak sur la a ngas a barsan ning a tarai la hanrawai la, lar momol ana nunla warwara, gong la na tena gang pa gong la mang sur a galis a mani.

1 Timoti 4:7

Ur han masik kusun a asasaer orosla ning bel i topas al utna. Ur alasan u sur ur gomo ana ngas a lalaun ning e God i mang suri.

1 Timoti 4:8

Ning dala alasan a palaondala ana ngas a urmatana mon, i nangan a palaondala, ika ning dala alasan dala sur dalar gomo ana toltol ning e God i mang suri, i wakak kol tana ututnala rop. I nangan a lalaun ne pa a lalaun lamur otleng.

1 Timoti 6:6

Ika ning tik ir mur a toltol ning e God i mang suri taum ana bal molmol, a toltol ning, a momol a gongon.

2 Timoti 3:5

Lar mur a toltol ning e God i mang suri ana palaonla ka, ika bel lar noren a rakrakai ane God sur ir keles a lalaun anunlai. Ur han masik kusun a ngas a tarai larne.

2 Timoti 3:8

A ngas a barsan larne, la sairas a momol a asasaer, arlar o e Janes pa e Jambres dia sairas e Moses. A nuknukinla i laulau kol pa anunla tortorot bel i momol.

Taitus 1:11

Ur sairas anunla na warwara, anasa la sira alaulau a tortorot anuna galis a kabai tamana ana asaer ning bel i wakak sur dir asaer la ono. La sira asaer la, sur lar asongo pas ka a mani kusun la.

2 Pita 2:15

La ka han kusun a tostos a ngas, pa la ka rongo. La ka mur a ngas ane Balam a nat e Beor, esaning i tol a toltol laulau, anasa i mang kol sur a mani.

2 Pita 2:3

Ana nunla na tnan nuknuk sur a mani, lar asongo tar mulo ana namnamin a warwara oros ka, sur lar kibas anumulo na mani. Ika anunla warkurai na arkeles, tagun nating ot i ka sang pa bel i borbor, pa milau ir hanot.

A Pas ane Jut 1:11

Ir laulau kol tetek la ning! La mur a toltol ane Kain. Pa la arlar o e Balam, ning i tol ka a laulau a titol sur ir kibas mani onoi. Pa lar hirua arlar o e Kora, esaning i nigon pas a tarai ning la gilam ris kusun e God, pa la hirua rop.

Tatatai 18:13

Pa dingla na ututnala ning i toboh wakak, pa naur a utna ning i toboh wakak di atong diau ana sinamon pa mira, pa a paura di tuni pa sasawana i toboh wakak ning di atongi ana insens, pa a wain, a wel na oliw, a palawa pa a witla, pa a bulumakaula pa na sipsip, na hos pa na karis ono, pa a tarai ning lar titol na tena titol oros.

Tatatai 18:3

Ka punga, anasa na tarai miting na matanitu rop la ka gang pas a rakrakai a wain ana nuna pamuk a toltolla. Na king mite na rakrakan hanua la tol a pamuk a toltol taum onoi. Pa na tena siusiurai mite na rakrakan hanua la leklek ana galis a gongon miting na nuna keskes na leklek.”