1 Timoti 5:8 - Label

⁸ Ning tik bel i nangan a mainala, pa la otleng ning ana nuna rumai, ka han masik kusun a tortorot. I ning i laulau kol tana tarai ning bel la tortorot.

1 Timoti 5:8 ပူးပေါင်းရင်းမြစ်များ

Matiu 18:17

Ning bel ir longor diau, ur apuasa i tetek a tarai a lotu. Ning bel ir longor otleng a tarai a lotu, i wakak sur ur oroi i arlar o esaning bel a tena tortorot, o arlar ana tena los totokom.

Matiu 7:11

Mulo na laulau a tarai, ika mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit ir saran a wakak a ututnala tetek esining ir nunungi.

Jon 15:22

“Ngandek ning bel ar hanot pa bel ar warwara tanla, io, bel dir arup la ana nunla na toltol laulaula, pa lar langolango. Ika onone, belal warwara anunla sur lar alar la onoi kusun anunla na toltol laulau.

1 Korin 6:6

Mangasa, ta tena tortorot ir ben ulak tar ning a tena tortorot tetek la ning bel la tortorot, sur lar warkurai i?

2 Korin 12:14

Oroi, ine a munatol a taem ning a sang sur ar han tetek mulo. Pa bel ar nunung sur ta utna ta mulo, anasa bel a mang sur anumulo a mani, a mang sur mulo ot. Anasa bel i tostos sur a kakakla lar tabar na tamanla pa na kabatnanla. I wakak sur a tamanla pa na kabatnanla ot lar suah a utna sur lar tabar na natnatunla onoi.

2 Korin 6:15

E Karisito pa e Satan diar malmaling taum mangasa? Ta tena tortorot ir bal taum mangasa on tik ning bel i tortorot?

Galesia 6:10

Ning dala tolsot pasi sur dalar tol a wakak a titol tetek tik, i wakak sur dalar toli. Dalar tol a wakak a titol nigo tetek a tena tortorotla, pa lamur tetek a tarai masik otleng.

2 Timoti 2:12

Ning dala kilang kankan taum onoi, dalar warkurai arlar ana king taum otleng onoi ana nuna matanitu. Ning dala puain seni, i otleng ir puain sen dala.

2 Timoti 3:5

Lar mur a toltol ning e God i mang suri ana palaonla ka, ika bel lar noren a rakrakai ane God sur ir keles a lalaun anunlai. Ur han masik kusun a ngas a tarai larne.

Taitus 1:16

La atongi mang la tasman e God, ika anunla a titolla ot i apuasa i mang bel la tasmani. La na laulau a tarai kol, a tabun longorla, pa bel lar tol lar pas ta wakak a titol.

2 Pita 2:1

Ika nating na asasongo na propet la kes arpotor tana tarai Israel. Larka otleng ning na asasongo na tena asaer lar hanot arpotor ot ta mulo. Lar akas kumnan anunla na asasongo na asaer ning ir alaulau a tortorot, pa lar puain sen a Leklek ning ka lou pas la. Lar kibas kapit pas a hinirua.

A Pas ane Jut 1:4

A tumtumus, anasa dingla na tarai la ka kas kumna tar tetek mulo. Bel la mur a nuknuk e God, pa lar han tostos sur a hinirua, larot ning di ka tumus tari natnating ot ting na Buk Tabu. La lingir laulau a marmaris ane God, pa la atongi mang, “I wakak ka ning dalar tol na toltol a pamuk.” Pa la puain sen anundala a Ningnigo pa anundala Leklek, e Iesu Karisito, i takai sot ka.

Tatatai 2:13

A tasman a hanua ning mulo kes ia, a hanua ning e Satan i kes na king ia. Ika mulo tur rakrakai ana risak. Anumulo a tortorot bel i han masik kusun iau, ning di um kol e Antipas. Esaning anuka momol a tena warwara talapor, ning di um koli ting na numulo a hanua, ning e Satan i kes ia.

Tatatai 3:8

A tasman anumulo na titol. Oroi, ia ka sapang tar a taman salanigo tamulo, ning bel tik ir tagar lar pasi. A tasmani mang a rakrakaimulo bel i itna, ika mulo mur ot anuka warwara, pa bel mulo puai sen a risak.