1 Timoti 5:7 - Label

⁷ Ur asaer a tarai ana asasaerla ne, sur gong ta artitiu i kibas la.

1 Timoti 5:7 ပူးပေါင်းရင်းမြစ်များ

Pilipai 2:15

sur bel dir arup sot pas mulo on ta rongo pa mulor totoh, na natnat e God, ning bel ta rongo o mulo, arpotor tan a tarai ning bel la tostos pa a gininla i laulau kol. Ning mulor artabar ana warwara na lalaun, mulor talapor arpotor tanla arlar ana nangnangla ning la talapor te na rakrakan hanua. Ning mulor toli larne, ar gas o mulo ana pukakiar ning e Karisito ir hanot ulak ono, anasa ir talapor mang bel a dun oros ka, pa anuka titol bel i utna oros ka.

1 Timoti 1:3

Onone a arakrakai u kale sur ur kes ot ting e Epeses, larning a atong tari tam ning a han utumo e Makedonia. Ur kes sur ur sairas la ning la asaer a taraila anal asasongo na asasaerla.

1 Timoti 4:11

Ur asaer la pa ur arakrakai la ana ututnala ne.

1 Timoti 6:17

Ur atumarang la ning la tong akes a galis a ututnala te na rakrakan hanua sur gong la aleklek pas la ot. Pa gong la tortorot ana mani ning ir rarop ka. Lar tortorot ka o e God, ning i tabar dala ana wakak a ututnala rop sur dalar gas onoi.

2 Timoti 4:1

E Karisito Iesu ir hanot ute taum ana nuna matanitu. Ir warkurai la ning la laun, pa la ning la ka mat. Pa manglarning, a nunung u namatana e God pa e Karisito Iesu mang:

Taitus 1:13

A warwara ne i momol kol. Ur warwara rakrakai tetek la ana nunla na rongo sur lar tong akes a tostos a tortorot.

Taitus 2:15

Ur asaer la ana ututnala ne. Ur arakrakai a tarai, pa ur atong puasa anunla na rongo namatanla. Ur toli ana rakrakai ning e God ka saran tari tam. Pa gong u noren tar tik sur ir oroi purum u.