1 Timoti 1:20 - Label

²⁰ E Himeneus pa e Aleksander naur a halinla, ning ia ka saran tar diau na kuna e Satan, sur diar tastasman mang gong ulak ma dia atong laulau e God.

1 Timoti 1:20 ပူးပေါင်းရင်းမြစ်များ

Matiu 18:17

Ning bel ir longor diau, ur apuasa i tetek a tarai a lotu. Ning bel ir longor otleng a tarai a lotu, i wakak sur ur oroi i arlar o esaning bel a tena tortorot, o arlar ana tena los totokom.

Aposel 13:45

Ning a te Judala la oroi a kunum a tarai, a balanla i laulau tetek e Pol pa e Barnabas, pa la lingir ka a warwarala ning e Pol i warwara ono, pa la atong saksakani.

Aposel 19:33

A tarai Juda la sugut otnan e Aleksander tetek a kunum a tarai, pa la ben pasi usalanigo. Pa dingla la atai i ana sa ning ir atongi. E Aleksander i sairas la ana kuna, sur lar kes longoroi, pa i mang sur ir atalapor i ot namatana tarai.

1 Korin 11:32

Ika, ning a Leklek i warkurai dala, i atostos dala, sur gong dala hirua ana warkurai a arkeles taum ana rakrakan hanua.

2 Korin 10:6

Ning mulor longor rop tetek e Karisito, milar sang sur milar warkurai la ning bel la longor.

2 Korin 13:10

Ine a kamkamna ning a tumus na ututnala ne tetek mulo ning belot a hanot. Pa ning ar hanot, bel ar warwara ana rakrakai a warwara tetek mulo, pa bel ar warkurai mulo ana warkurai ning a Leklek i ka saran tari tak. I saran tari tak sur ar arakrakai mulo onoi, bel sur dir alaulau mulo onoi.

2 Tesalonika 3:15

Ika gong mulo oroi larning anumulo a hirua, mulor atumarang pasi ka arlar larning a tasimulo.

1 Timoti 5:15

Dingla na lao la ka han masik pa la ka mur e Satan.

2 Timoti 2:14

Gong u manah ana atatai tetek anuma tarai ana asasaerla ne. Ur atumarang la namatana e God, sur gong la arlak ana warwara oros ka. A arlak bel i to pas ta utna pa i alaulau otleng la ning la longori.

2 Timoti 2:17

Anunla asasaer ning ir han sarara arlar ana laulau a masik ning i marase amon. E Himeneus pa e Piletus naur tagun la,

2 Timoti 3:2

A tarai lar nuk pas la ot, lar mang sur a mani, lar rakan aleklek la, lar aitna pas la ot, lar arle tetek e God pa tetek a taraila otleng, lar tabun longor tetek a tamtamanla taum ana kabatnanla, bel lar lasan sur lar atong wakak tetek e God pa tetek a tarai otleng, pa bel lar hanrawai e God.

Hibru 12:5

Mulo ka duman sen a warwarala na arakrakai ning e God i atongi tetek mulo a natnatnala larne, “Natuklik, ning a Leklek i atostos u, gong u nuki mang a utna oros ka, pa gong u bulnga ning i atong puasa anuma toltol laulaula tetek u.

Tatatai 13:1

Lamur a oroi pas a rokoio a inagoi i burak ot miting na puka tasi. Ning a bonot a komna, pa mais a pukulna, pa ning a bonot a kukuh na king i kes saot na komna. Pa ana taktakai pukulna, di ka tumus tar na risana ning i atong saksakan e God onoi.

Tatatai 3:19

La ning a maris la, a sira saran a rakrakai a warwara tetek la pa a sira atostos la. I maining mulor rakrakai sur mulor mur a tostos a toltol pa mulor lingir a nuknukimulo.