1 Timoti 1:19 - Label

¹⁹ Ur tur rakrakai ana numa tortorot, pa ur mur a nuknukim ning bel ta rongo na mata e God. Dingla na tarai bel la toli larne, pa anunla tortorot i hirua arlar ana sip ning a top i dapis regen seni pa i murung.

1 Timoti 1:19 ပူးပေါင်းရင်းမြစ်များ

Matiu 6:27

Esi ta mulo ning i nuknuk kol ana nuna lalaun, ir tolsot sur ir tugus barah siklik anuna lalaun? Belal.

1 Korin 11:19

Anasa a tarai a lotu lar taptapagal ot, sur dir oroi lalan la ning la tostos, pa la otleng ning la rongo.

Galesia 5:4

Ning mulo tohi sur dir atong mulo mang mulo tostos anasa mulo mur a Warkuraila, mulo ka kes sarara kusun e Karisito. Mulo ka han masik pas kusun a marmaris ane God.

1 Timoti 1:5

A atongi manglarning, sur a marmaris ir itna artalai na arpotor in dala. A marmaris ning i han miting na totoh na balandala, pa a nuknukindala ning bel ta rongo namata e God, pa tortorot momol.

1 Timoti 3:9

Lar tong akes a tortorot momol taum ana nuknukinla ning bel ta rongo na mata e God.

1 Timoti 6:12

Ur tur rakrakai ana tortorot arlar ana wakak a tena harum. Pa ur tong akes a lalaun tikin sur anumi, i ning e God i kabah pas u suri, ning u warwara talapor ana tortorot anumi namatana galis a tarai.

1 Timoti 6:21

Dingla na tarai la atongi mang la tortorot ot ana tastasman ning, pa la ka han masik kusun a tortorot o e Iesu. A marmaris ane God ir kes tetek mulo.

1 Timoti 6:9

La ning la mang sur a tnan mani, lar punga ana arlam, pa lar hirua ana kun ana longlong a nuknuk pa a nuknuk sur a utna ning ir alaulau la. Ir alaulau la pa ir kamar la.

2 Timoti 2:18

ning dia ka han rongo kusun a momolna. Dia atongi mang dala ka kamtur ulak pas kusun a minat, pa dia alaulau a tortorot anuna dingla na te Karisito.

2 Timoti 4:4

Bel lar longor a momolna, lar longor kama a asasaer oros ka.

Taitus 1:9

Ir tong akes a momol a asaer ning di ka asaer tari ono, sur ir arakrakai otleng a tarai ana tostos a asaer, pa ir atong puasa a rongo anunla ning la sairas a asaer ning.

Hibru 3:14

Dala o e Karisito, ning dalar tur rakrakai ana tortorot tuk ana araropna, arlar larning dala turpasi nating.

1 Jon 2:19

Na hirua ane Karisito la lasan taum ondala, ika la ka han, anasa la bel tagun dala momol. Ngandek ning la tagun dala momol, lar kes tikin taum ondala. Ika anunla tinan kusun dala i asangani mang la bel tagun dala.

Tatatai 3:10

Ning a tnan larlar ir hanot te na rakrakan hanua rop, suir lar la ning la kes te lapiu, ar tai alar mulo ana pukakiar ning, anasa mulo mur anuka warkurai sur mulor tur rakrakai ning mulo kilang a kankan.

Tatatai 3:3

I maining mulor nuk pas a asaer ning mulo ka kibas pasi pa mulo ka longor tari, mulor longor ono pa mulor lingir a nuknukimulo. Ika ning bel mulor mata, ar hanot tetek mulo arlar ana tena kinkinau pa bel mulor tasmani nangse ar hanot tetek mulo.

Tatatai 3:8

A tasman anumulo na titol. Oroi, ia ka sapang tar a taman salanigo tamulo, ning bel tik ir tagar lar pasi. A tasmani mang a rakrakaimulo bel i itna, ika mulo mur ot anuka warwara, pa bel mulo puai sen a risak.