1 Tesalonika 5:3 - Label

³ Ning a tarai lar warwara larne, “Dala kes ana bal molmol pa ana wakak a lalaun,” a hinirua ir hanot kulkulan tetek la, arlar ana kankan ning a hane i kilangi ning milau ir agon. Bel lar bolos lar pas kusuni.

1 Tesalonika 5:3 ပူးပေါင်းရင်းမြစ်များ

Matiu 23:33

“Mulo na soila! Mulo na natnat a laulau a soila! Mulor liu kumna mangmangasa kusun a warkurai a arkeles ana tnan iah?

Jon 16:21

arlar ana hane ning i milau sur ir agon, i kilang a tnan kankan, ika, ning ka agon sen tar a kaklik, ir duman sen a kankan pa ir gas, anasa ka agon tar a kaklik ute na rakrakan hanua.

Aposel 13:41

‘Oroi, mulo a tena morot laulaula, mulor kulkulan pa mulor hirua, anasa ar tol ta utna ana numulo na pukakiar a lalaun. Ning tik ir atai mulo ana utna ning ar toli, bel mulor tortorot onoi.’” Hab 1:5

2 Tesalonika 1:9

Lar kilang a warkurai na arkeles ning bel ir rarop, i a hinirua tikin, pa lar kes masik kusun a Leklek taum ana matatar ana rakrakaina.

Hibru 12:23

Mulo ka hanot ana keskes taum anuna ningnigo na natnat e God, la ning di ka tumus tar na risanla saot na langit. Mulo ka hanot tetek e God, esaning a tena warkurai ana taraila rop, pa tetek a inguna tena tostosla, ning e God ka atostos kol la,

Hibru 2:3

Manglarning, ir mangmangasa tetek dala, ning onone dala gilam ris ana tnan titol ane God ning i alaun a tarai? Bel dalar tol sot sur dalar liu kumna kusun a warkurai na arkeles. A titol na alaun a tarai, a Leklek ot ka warwara nigo tar ono. Pa la ning la longor a elngena, la apuasa i tetek dala mang i momol kol.

2 Pita 2:4

Oroi i, e God bel i maris na angelo ning la tol a toltol laulau. I minggen purum sen la uting na iah, pa la dodot ting na tnan tung ning i mormorom, sur lar kes nanan a pukakiar a warkurai.