1 Tesalonika 4:14 - Label

¹⁴ Dala tortorot mang e Iesu i mat, pa i kamtur ulak. Pa larning, dala tortorot mang la ning la tortorot o e Iesu, pa la ka mat, e God ir ben taum la o e Iesu, ning ir ulak.

1 Tesalonika 4:14 ပူးပေါင်းရင်းမြစ်များ

Matiu 24:31

A tawuru ir tangis kol pa a Nat a Barsan ir sune purum anuna angelola, sur lar ben taum anuna tarai ning ka aslang pas la. Lar ben taum la tagun diat a matana wuwu, miting na ning a ris a rakrakan hanua tuk tumo na ning a ris.

A Pas ane Pol tetek a tarai Rom 14:9

E Karisito i mat pa i laun ulak, sur ir Leklek anunla ning la ka mat, pa anunla otleng ning la laun.

A Pas ane Pol tetek a tarai Rom 8:11

A Inguna e God, ning i akamtur pas e Iesu kusun a minat, i laun ting o mulo. Pa esaning i akamtur ulak pas e Karisito kusun a minat, ir saran a lalaun ting na palaomulo ning i sira mat. Ir sarani ana titol ana Inguna ning i laun ting o mulo.

1 Tesalonika 3:13

Manglarning, a Leklek ir arakrakai mulo sur mulor totoh, pa bel dir arup sot pas mulo on ta rongo, ning mulor tur namatana e God a Tamandala, ana pukakiar ning anundala Leklek e Iesu ir hanot, taum ana nuna tarai rop.

1 Tesalonika 4:13

Na tastasimitol, mitol mang sur mulor tastasman onla ning la ka mat, pa gong mulo bal maris arlar ana tarai ning bel la harnanai ana tortorot ana kamkamtur ulak kusun a minat.

1 Tesalonika 4:17

Lamur, dala ning kaning ot dala laun, dir los taum pas dala usaot na didiah bakut sur dalar arsongo taum ana Leklek ting na puka solsolna. Pa larning, dalar kes tikin taum ana Leklek.

2 Tesalonika 2:1

Na tastasimitol, mitol mang sur milar atai mulo ana tinan ot ulak ana nundala Leklek e Iesu Karisito, pa ana nundala tinan taum teteki. Mitol nunung mulo,

Tatatai 1:18

Iau a lalauna. Ia ka mat pas, oroi i, ia ka laun tikin pa a tong akes a kila ana minat pa ana hanua Hedes, a hanua anunla ning la mat.

Tatatai 14:13

Lamur a longor a elngen takai misaot na langit i atongi mang, “Ur tumus a utna ne: La ning la ka mat ana tortorot ana Leklek turpasi anone pa lamur, la angis.” A Talngan Tabu i atongi mang, “Momolna, lar manah kusun anunla a titolla, anasa anunla a wakak a titolla ir han taum on la.”