1 Tesalonika 3:10 - Label

¹⁰ Ana moromla pa a kabakiarla, mitol saran arop tar anumitol a lalaun ana nunung. Mitol nunung sur mitol ir oroi ulak mulo, pa mitol ar asaer mulo anal utna ning mulo kapan suri ana numulo a tortorot.

1 Tesalonika 3:10 ပူးပေါင်းရင်းမြစ်များ

Aposel 26:7

Anumila ning a bonot pa pisir naur a mangis a tarai la harnanai ana tortorot sur dir tolsot pas a lele ning tetek la, pa la lotlotu tetek e God ana kabakiarla pa ana moromla rop. King, a tarai Juda la arup iau, anasa a tortorot ana lele ning.

2 Korin 1:15

A nuki mang mulor gas o mila, pa ine a kamkamna ning lanigo a atai tar mulo mange ar hanot tetek mulo ana ningnigo na tinan, pa lamur ar hanot ulak ana munaur na tinan, sur ar saran a harnangai tetek mulo naur a taem.

2 Korin 1:24

Bel mila mang sur milar warkurai sur anumulo a tortorot. Mila mang ka sur milar titol taum o mulo, sur mulor gas, anasa mulo ka tur rakrakai ana tortorot.

2 Korin 13:11

Anuk a ararop a warwara ne: Na tastasimila, mulor gas! Mulor atostos mulo, mulor mur anuk a warwara, ir takai ka a nuknukimulo, pa mulor kes na molmol artalai. Pa e God ning i sira saran a marmaris pa a bal molmol ir kes taum omulo.

2 Korin 13:9

Ning mulo rakrakai pa mila bel mila rakrakai, mila gas ka. Pa mila nunung sur mulor tostos ana numulo a tortorot.

Pilipai 1:25

I maining, a tasmani mang ar laun par kes taum o mulo, sur mulor gomo, pa mulor gas ana tortorot.

Kolosi 1:28

Mila warawai o e Karisito tetek a taraila rop. Mila atumarang la pa mila asaer la ana tastasman rop, sur milar saran tar la rop tetek e God, pa lar tostos rop, anasa la kaning o e Karisito.

Kolosi 4:12

E Epapras, i ning a halimulo, pa a tena titol ane Karisito Iesu, i saran anuna marmaris tetek mulo. I sira nunung rakrakai o mulo, sur mulor tur rakrakai, pa mulor rakrakai ana lalaun anumulo o e Karisito, pa mulor tasman a nuknuk rop ane God.

1 Tesalonika 3:11

Pa mitol nunung mang e God a Tamandala pa nundala Leklek e Iesu, ir atalapor anumitol a ngas sur mitol ar han tetek mulo.

2 Tesalonika 1:11

Ine a kamkamna ning mitol sira nunung o mulo. Mitol nunung tetek anundala God sur ir atong mulo mang mulo tostos sur mulor mur a ngas a lalaun ning i kabah pas mulo suri. Pa ana rakrakaina ir nangan mulo, sur mulor tolsot pas a wakak a titol ning mulo mang sur mulor toli, pa a toltolla rop ning anumulo a tortorot i tol otnani.

2 Timoti 1:3

A atong wakak tetek e God, esaning a titol teteki ana nuknuk ning bel ta rongo na mata e God, arlar ana tumtubuk tagun nating. A atong wakak teteki ana moromla pa a kabakiarla ning a nunung hom.

Pilimon 1:22

Ning a utna otleng, a nunung u sur ur sang ta tuka rumai tetek iau. A tortorot mang e God ir alangolango sen iau kusun a rumai a dodot sur ar han ulak tetek mulo. Ine a wana numulo na nunung.

Tatatai 4:8

Diat a lalaun a akakes ne, taktakai onla, diono na dehelna, pa a kalso matanla i bonot arop a palaonla, pa ting nahai na dehelinla otleng. Ana morom pa kamis, bel la manah ana atong a warwara mang, “I totoh, i totoh, i totoh, A Leklek e God, esaning i rakrakai kol, esaning i laun nigo, i laun onone pa ir hanot lamur.”

Tatatai 7:15

Manglarning, la tur salanigo na keskes a king ane God, la titol teteki ting na nuna rumai a artabar ana kamisla pa moromla. Pa esaning i kes ana keskes a king ir pol alar la sur lar kes taum onoi.