1 Tesalonika 1:8 - Label

⁸ A warwara anuna Leklek ning mulo apuasa i ka han sarara, arlar ana tinangis ana garamut, ning i han bakbak. Belsur ting ka e Makedonia pa e Akaia. A hananuala rop la ka tasman anumulo a tortorot o e God. Manglarning, asa kale ning mitol ar atongi?

1 Tesalonika 1:8 ပူးပေါင်းရင်းမြစ်များ

Aposel 18:12

Ning e Galio i ningnigo tumo na papar Akaia, a tarai Juda la tur taum sur lar um e Pol, pa la beni sur ir tur ana warkurai.

A Pas ane Pol tetek a tarai Rom 1:8

Ine a ningnigo na utna, ana risana e Iesu Karisito, a atong wakak tetek anuka God o mulo rop, anasa a tarai te na rakrakan hanua rop la warwara talapor ana numulo a tortorot.

A Pas ane Pol tetek a tarai Rom 15:26

Na tena tortorot to na naur a papar Makedonia pa e Akaia la gas sur lar minggen taum a mani, sur lar nangan a tarai ane God ning la kapan saot e Jerusalem.

A Pas ane Pol tetek a tarai Rom 16:19

A taraila rop la talapor ana numulo a longor tetek a Leklek, i maining a gas kol o mulo. Ika, a mang sur mulor tastasman wakak ana asaning i wakak, pa gong mulo alasan mulo ana asaning i laulau.

1 Korin 14:36

Mangasa, mulo a kama warwara ane God? Bel. Mangasa, i hanot ka tetek mulo? Bel.

2 Korin 2:14

Ika a atong wakak tetek e God, anasa e Karisito i nigon mila arlar ana king ning ka tolsot pas a hiruala pa i nangan mila sur milar warwara puasa ting na hananuala rop ana Wakak a Warwara o e Karisito. A Wakak a Warwara i arlar ana tomtoboh tetek la ning la longori.

2 Korin 3:4

Mila warwara ana ututnala ne, anasa mila laun o e Karisito pa mila tortorot o e God mang a ututnala ne i momol ot.

Kolosi 3:16

I wakak ning a warwara ane Karisito ir kes tingui na balamulo pa ir bukus. Pa mulor asaer artalai mulo onoi, pa mulor arakrakai artalai mulo otleng onoi, taum ana tastasman rop. Pa mulor saksak otleng onoi ning mulo saken a Saksakla ane Dewit, pa na saksak a lotu, pa na saksak ning a Talngan Tabu i tabar mulo onoi. Pa mulor saksak ana atong wakak tetek e God tingui na balamulo.

2 Tesalonika 1:4

Ine a kamkamna ning mitol ot mitol sira atong aitna pas mulo tetek a tarai a lotu ane God ting na hananuala. Mitol sira atong aitna pas mulo ana numulo a tuntunur rakrakai pa anumulo a tortorot, na arpotor ana mamahatla ning mulo kilangi taum ana kankan ning a tarai la akadik mulo onoi.

2 Tesalonika 3:1

Na tastasimitol, ning a warwara otleng ning mitol ir atai mulo onoi, mang mulor nunung o mitol, sur a warwara anuna Leklek ir han sarara kapit pa a tarai lar hanrawai i larning mulo hanrawai i.

1 Timoti 2:8

A mang sur a barsanla ting na hananuala rop, lar totoh pa lar tuslan a kunla usaot pa lar nunung, pa gong la balakut pa gong la arlak.

2 Timoti 2:9

A kilang kankan pa di dot iau otleng arlar ana tena laulau, anasa a warawai ana Wakak a Warwara. Ika a warwara ane God bel dir dot lar pasi.

3 Jon 1:12

A taraila rop la warwara talapor o e Demitrius, mang a wakak a barsan, pa anuna momol a asasaerla otleng i warwara talapor onoi. Mila otleng mila warwara talapor onoi, pa u tasmani mang anumila na warwara i momol.

Tatatai 14:6

Lamur a oroi ning a angelo maleng i rowoi saot na solsolna, pa i kibas a Wakak a Warwara ning ir kes tikin, suir warawai onoi tetek a taraila ning la kes te na rakrakan hanua, a taraila miting na matanitula rop, miting na mangis a taraila rop, la ning la warwara ana urmatana ngas a warwara pa a tarai miting na hananuala rop.

Tatatai 22:17

A Talngan Tabu pa tona tinaulai, a hane, dia atongi mang, “Han ute!” Pa esining i longori, i otleng ir mang, “Han ute!” Esining i mos, i wakak sur ir han ute, pa esining i mang suri, ir gang a malum a lalaun ning bel di sira lou i.