1 Pita 4:14 - Label

¹⁴ Ning di atong laulau mulo anasa mulo ane Karisito, mulo angis. Anasa a Inguna e God, a Ingun a matatar, i kes o mulo.

1 Pita 4:14 ပူးပေါင်းရင်းမြစ်များ

Matiu 5:11

“Mulo angis ning di atong laulau mulo, pa di alaulau mulo, pa di atong a asasongo na warwarala o mulo mang mulo tol na toltol laulaula, anasa mulo anuki.

Matiu 5:16

Larotleng ning, anumulo a talapor ir apuasa i namatan a tarai, sur lar oroi anumulo a wakak a titolla, pa lar atong aitna pas e Tamamulo ning i kes saot na langit.

Luk 6:22

Mulo angis ning a tarai la nget mulo, pa ning la kepsen mulo pa la atong laulau mulo, pa ning la atong laulau a risamulo, anasa mulo na halal a Nat a Barsan.

Jon 15:21

Lar alaulau mulo anasa mulo anuki, anasa bel la tasman esaning i sune iau ute.

Jon 8:48

Dingla na Juda la atai e Iesu mange, “Mila tasman momoli mang u a te Samaria, pa a mot kaning hom.”

Jon 9:28

La hanani, pa la atongi mange, “U a kaklik asasaer anunai, ika mila a kakak a asaerla ane Moses.

Jon 9:34

La kelesi mange, “Di agon pas u ana toltol laulau, pa u mang sur ur asaer mila!” Pa la kepseni kusun a rumai lotu.

Aposel 13:45

Ning a te Judala la oroi a kunum a tarai, a balanla i laulau tetek e Pol pa e Barnabas, pa la lingir ka a warwarala ning e Pol i warwara ono, pa la atong saksakani.

Aposel 18:6

Ika a tarai Juda la saran taurunla sur e Pol pa la atong saksakani. Pa e Pol i daplan anuna kaen, a asilang mang bel ma ir warwara ulak tetek la. Pa i atai la mange, “Ning mulor hirua ana warkurai ane God, mulo ot a kamkamna, pa ia ka langolango. Turpasi onone, ar han kama tetek la ning bel a tarai Juda.”

Aposel 28:22

Mila mang sur milar longor anumal warwara, anasa mila ka longor tari mang, di atong laulau a tona lotu ne ting na hananuala.”

Aposel 5:41

Pa a aposella la purum miting na kiwung, la gas, anasa e God i oroi la mang, la wakak sur lar kilang a meme ana risana e Iesu.

2 Korin 12:10

I maining a gas kol mang belal rakrakaik, pa ning di atong laulau iau, pa ana mamahatla, pa ning a taraila la akadik iau, pa ning a kilang a rakrakai a bal maris, anasa a tortorot o e Karisito. A gas, anasa ning belal rakrakaik, a rakrakai.

2 Korin 4:10

Ning mila laun, a minat i milau ka, anasa mila titol tetek e Iesu. Ana pukakiarla rop mila asangan a minat ane Iesu te na palaomila, sur a taraila lar oroi otleng a lalaun ane Iesu te na palaomila, ning i sira mat.

2 Korin 4:16

I maining bel mila ngoro ana numila na titol. A palaomila i kes purum amon, ika di atona a ingumila ana pukakiarla rop.

Galesia 1:24

Pa la rakan aleklek pas e God anasa hok.

Hibru 11:26

I nuki mang a meme ning ir kilangi ana risana e Karisito i wakak kol tana gongonla tumo e Ijip, pa a matana i abit kol, anasa i nuknuk sur anuna arlou lamur.

Jems 1:12

A barsan ning i tolsot pas a arlam, pa i tur rakrakai, i angis. Anasa esaning i tolsot pas a ututnala ning di lar anuna tortorot onoi, ir kibas pas a kukuh na lalaun tikin, ning e God i lele tar sur ir sarani tanla rop ning la mang suri.

Jems 5:11

Oroi, dingla na tarai tagun nating la tur rakrakai ana tortorot ning la pastetek a mamahatla. Dala atong la mang la angis. Mulo tasman a lalaun ane Jop, i tur rakrakai ana tortorot ning i pastetek a mamahatla. Pa lamur, a Leklek i angis ulaki. A Leklek i bukus ana marmaris pa a tena harnangai.

1 Pita 2:12

Ika mulor tol a wakak a toltol na arpotor tanla ning bel la tortorot, sur la ning la tiu mulo mang mulo tol a laulaula, lar oroi anumulo na wakak a titol, pa lar atong leklek pas e God ana pukakiar ning ir hanot ono.

1 Pita 3:14

Ika ning dir akadik mulo anasa ana numulo na tostos a toltol, mulo angis. “Gong mulo matatan asaning lar amatmataut mulo onoi, pa gong mulo koloron.” Ais 8:12-13

1 Pita 3:16

Pa mulor sira mur a toltol ning mulo tasmani mang i tostos, sur la ning la atong laulau na wakak a toltol mulo toli ning mulo mur e Karisito, lar meme ana nunla a warwara ning la atong laulau mulo onoi.

1 Pita 4:16

Ika, ning di akadik u ka anasa u a te Karisito, gong u meme. Ur atong aleklek pas e God, anasa u kibas a risana e Karisito.

2 Pita 2:2

A galis lar mur na toltol a pamuk anuna asasongo na tena asaerla. I maining a tarai masik lar atong laulau a momol a tortorot.