1 Pita 2:6 - Label

⁶ Larning di ka tumus tari ting na Buk Tabu larne, “Oroi i, ia ka suah tar a hat saot e Saion. A hat ning a aslang pasi sur ir a wakak a hat kes, ning di tol a rumai saot ono. Pa esining ir tortorot onoi, anuna tortorot bel ir ame i.” Ais 28:16

1 Pita 2:6 ပူးပေါင်းရင်းမြစ်များ

Matiu 12:18

“Ine anuka tena titol ning ia ka aslang pasi, a katnani, a gas kol ono. Ar akas tar a Inguk ono, pa ir apuasa a warkurai ning i tostos tetek na tarai miting na matanitula.

A Wakak a Warwara o e Iesu Karisito i tumusi 12:10

Mangmangasa, bel mulo was a warwara ne ting na Buk Tabu? I atongi mange, ‘A hat ning a tena tol rumaila la kepseni, i ot ning a wakak a hat kes, ning di tol a rumai saot ono.

Luk 20:17

Pa e Iesu i oroi la, pa i atongi mang, “Ning mulo nuki larne, asa kamkama warwara ne di ka tumus tari ting na Buk Tabu? ‘A hat ning a tena tol rumaila la kepseni, i ot ning a wakak a hat kes, ning di tol a rumai saot ono, i wakak tana hatatla rop.’ Buk Song 118:22

Luk 23:35

A taraila la tur pa la oroi i, pa a ningnigola la morot laulau o e Iesu, la atongi mang, “I alaun pas a tarai masik. Ning i a Karisito ane God, anuna kaklik a asilang, i wakak ning ir alaun pasi ot.”

Jon 7:38

Esining ir tortorot hok, ‘a malum na lalaun lar dun ot tagun anuna lalaun,’ larning di ka tumus tari ting na Buk Tabu.”

Aposel 1:16

“Na tastasikla, a warwara anuna Talngan Tabu, ning e Dewit i warwara tar onoi nating ot ting na Buk Tabu, onone di ka tolsot pasi. I warwara o e Judas esaning i nigon la ning la tong pas e Iesu.

A Pas ane Pol tetek a tarai Rom 10:11

Larning di ka tumus tari ting na Buk Tabu mang, “Esining ir tortorot onoi, bel ir amei.” Ais 28:16

Epeses 1:4

E God ka aslang pas dala, ning dala ane Karisito, nating ot ning belot i akes a rakrakan hanua, sur dala totoh, pa bel dir arup sot pas dala on ta rongo namatana.

Epeses 2:20

Mulo a rumai ane God, ning di aturi saot na aposella pa propetla. La a kama rumai, pa e Karisito Iesu ot, a wakak a hat kes, ning di tol a rumai saot ono.

2 Timoti 3:16

A puka warwarala rop ting na Buk Tabu i kamkamna ot o e God, pa i wakak sur a asasaer, pa ir atalapor a laulauna anuna tik tetek i ot, pa ir atostos a rongo, pa ir asaer a tarai ana tostos a toltol,

1 Pita 2:4

Mulor han tetek a Leklek, esaning a lalaun a hat. A taraila la kepseni, ika e God i aslang pasi, pa i wakak kol namatana.

1 Pita 2:8

“A hat ning, a tarai lar buh a hanla onoi, pa lar punga onoi.” Ais 8:14 La buh a hanla onoi, anasa bel la longor ana warwara ane God. Ning la toli larning, anuna warwara ning ka atong tari nating i sot onla.

2 Pita 1:20

Ning a tnan utna ne mulor tasmani mang, bel ta warwara na propet ting na Buk Tabu i hanot miting na nuknuk a propet.

2 Pita 3:16

Ting na nuna bukla rop, ning i warwara ana ututnala ne, anuna warwara i arlar ana sa ning ia ka atong tari. Dingla na warwara ning i tumusi, i ngangeten sur dir tasman a kamkamna. Pa dingla na tarai ning bel la talapor wakak onoi, pa anunla a tortorot i gulgule ka, anunla a papak onoi i rongo ka, arlar ana nunla a papak ana dingla na warwara otleng ting na Buk Tabu. Pa la ot lar hirua onoi.