1 Korin 8:9 - Label

⁹ Mulo langolango sur mulor ien a utna ning tik ka artabar tar onoi tetek a asasongo na godla. Ika mulor tumarang mulo, sur gong anumulo a toltol ning ir apungan tar la ning anunla a tortorot bel i rakrakai.

1 Korin 8:9 ပူးပေါင်းရင်းမြစ်များ

Matiu 18:10

“Gong mulo oroi purpurum pas ta halin kakakla ne. A atai mulo, anunla na angelola saot na langit la sira oroi a patar e Tata ning i kes saot na langit.

A Pas ane Pol tetek a tarai Rom 15:1

Dala ning dala tur rakrakai, i wakak ning dalar nangan la ning bel la tur rakrakai ana tortorot. Pa gong dala nuk pas dala ka.

1 Korin 10:24

Gong tik i awakak pasi ot, ir awakak pas a tarai masik.

1 Korin 10:28

Ika, ning tik ir atongi tamulo mang, “A utna ne di ka artabar tar onoi tetek a asasongo na godla,” gong mulo ieni, sur gong mulo alaulau a nuknukna esaning i atai mulo onoi.

1 Korin 10:29

Bel a warwara ana nuknukimulo. A warwara o esaning i atai mulo pa i nuki mang mulo tol a laulauna. Ia ka langolango. Sur asa ning a nuknukin tik ir warkurai iau?

1 Korin 10:32

Gong mulo tol ta utna ning ir apungan tik anasa ir tol a toltol ning a nuknukna ir tiwi onoi. Tik miting na tarai Juda, o miting na tarai ning bel a tarai Juda, o miting na tarai a lotu ane God.

1 Korin 8:10

U ka tastasmai sur ur hangan ting na rumai a lotu anuna manar ning di koti, pa a nuknukim bel ir tiu u onoi. Ika ning ur hangan tingia, pa esaning anuna tortorot bel i rakrakai ir oroi u, ur ben tari, sur i otleng, ir ien a utna ning di ka artabar tar onoi tetek a asasongo na godla, pa ir kilangi mang, a nuknukna i tiwi mang, i tol a laulauna.

1 Korin 8:12

Ning mulo tol a toltol laulau larning tetek al tastasindala, sur lar tol a utna ning a nuknukinla ir tiu la onoi, mulo tol a laulauna tetek e Karisito.

1 Korin 9:22

Ning a kes taum ana taraila ning bel la rakrakai, iau otleng bel a rakrakai, sur ar ben pas la tetek e Karisito. A laun arlar ana urmatana taraila rop, pa a mur a urmatana ngas rop sur ar alaun dingla na tarai.

2 Korin 11:21

A meme kol ning ar atongi mang mila ot belal rakrakaimila sur milar toli manglarne! A ututnala ning la iaunan pas la ono, iau otleng a tolsot pasi sur ar iaunan pas iau ono. Onone a warwara arlar ana longlong.

2 Korin 11:29

Ning tik anuna tortorot bel i rakrakai, iau otleng ar kilangi larne. Ning tik di ka ben tari uting na toltol laulau, ir itna kol anuk a bal maris ono.

2 Korin 6:3

Bel mila mang sur milar tol ta utna ning ir san alar tik sur gong i tortorot, sakana a taraila lar atong laulau anumila a titol.

Galesia 5:13

Na tastasikla, e God ka kabah pas mulo sur mulor langolango momol. Ika gong mulo nuki mang mulo ka langolango sur mulor mur a lalaun turai. Mulor nangan artalai mulo ana marmaris.

Kolosi 2:8

Mulor tai alar mulo, sur gong tik ir dot akes mulo ana tastasman anuna tarai ka, a asasaerla oros ka, pa a asasongo ka. A tastasman ning i hanot ka miting na asaerla ana tumtubunla nating pa miting na ingun laulaula mite na rakrakan hanua, pa bel ta e Karisito.

1 Pita 2:16

Mulo ka langolango, ika gong mulo nuki mang mulo ka langolango sur mulor tol a laulau pa mulor nuki mang i wakak ka. Mulor laun arlar larning mulo na tena titol oros ane God.

2 Pita 2:19

La lele tetek la mang lar langolango, ika la ot bel la langolango, la tena titol oros ana dur a magiranla. Anasa tik ir tena titol oros ana sa ning i sira longor onoi.

Tatatai 2:14

Ika a tiu mulo ana ututnala ne: Dingla na tarai kaning na arpotor tamulo, la ka mur a asaer ane Balam, esaning i asaer e Balak suir asobor a tarai Israel pa la tol a toltol laulau, ning la ien a utna na hangan ning di ka artabar tar ono tetek a asasongo na godla, pa la tol na toltol a pamuk.