1 Korin 8:4 - Label

⁴ Ar atai mulo ana ngasna ning a taraila la sira toli ning la ien a ututnala, ning di ka artabar tar onoi tetek na asasongo na god. Dala tasmani mang a manar ning di koti a utna oros ka mite na rakrakan hanua, belsur a lalauna. Dala tasmani mang takai a God ka, pa bel tik ulak.

1 Korin 8:4 ပူးပေါင်းရင်းမြစ်များ

A Wakak a Warwara o e Iesu Karisito i tumusi 12:29

E Iesu i kelesi mange, “Ine a ngangaten a warkurai momol, ‘A tarai Israella mulor longori, a Leklek anundala God i takai sot ka.

Aposel 14:15

“Mulo a taraila, asa kamkamna ning mulo tol a ututnala ne? Mia naur a barsan ka, mia arlar ka o mulo! Mia hanot ka ana Wakak a Warwara tetek mulo, pa mia atai mulo sur mulor talingir kusun a ututna oros ka, ning mulo lotlotu tetek la, sur mulor mur e God ning i laun. Esaning i tol a langit, a rakrakan hanua, pa tasi, pa a ututnala rop tingui onla.

Aposel 15:20

Dalar tumtumus tetek la, pa dalar atai la mang gong la ien ta utna ning di ka artabar tar ono tetek a asasongo na godla, anasa a lotu ning i adur a utna na hangan, gong la tol a toltol a pamuk, gong la ien ta utna ning bel di gos wakak a suluk kusuni, pa gong la ien ta inagoi ning di pos koli ka, anasa a suluk kaning ot ono.

Aposel 19:26

Te e Epeses, pa ting na hananuala rop te na papar Esia, a barsan ne, e Pol, ka ben rongon pas a galis a tarai, ning i atai la mang a ututnala ne dala sira toli ana kundala, bel a godla.

1 Korin 8:1

Ar atai mulo ana ututnala na hangan ning di ka artabar tar onoi tetek a asasongo na godla. Dala tasmani mang, dala rop dala ka tastasmai. A tastasim i sira tol otnan a toltol sur tik ir aitna pasi, ika a marmaris i sira tol otnan a toltol sur tik ir arakrakai a taraila.

1 Korin 8:10

U ka tastasmai sur ur hangan ting na rumai a lotu anuna manar ning di koti, pa a nuknukim bel ir tiu u onoi. Ika ning ur hangan tingia, pa esaning anuna tortorot bel i rakrakai ir oroi u, ur ben tari, sur i otleng, ir ien a utna ning di ka artabar tar onoi tetek a asasongo na godla, pa ir kilangi mang, a nuknukna i tiwi mang, i tol a laulauna.

1 Korin 8:11

Anum a tastasmai ir alaulau a barsan ning anuna tortorot bel i rakrakai. A barsan ning, a tasindala ning e Karisito i mat suri.

Galesia 4:8

Nating ning bel mulo tasman e God, mulo na tena titol oros ana godla ning bel a momol a godla.

Epeses 4:6

Pa takai ka a God, a Tamandala rop. I warkurai dala rop, i titol ting na nundala lalaun rop, pa i kes ondala rop.

1 Timoti 1:17

Dalar saran a hanrawai pa dalar atong aleklek pas a King ning i laun tikin, esaning bel dala oroi, ning i ka i God. A aleklek ne bel ir rarop pa bel ir rarop. Amen.

1 Timoti 2:5

Anasa takai sot ka a God, pa takai ka otleng ning i dat taum e God pa a taraila, a barsan ne Karisito Iesu,

A Pas ane Jut 1:25

Takai ka a God pa i anundala a Tena Alaun, anasa ana minat e Iesu Karisito anundala a Leklek. Anunai ot a matatar, a keskes a leklek, a rakrakai pa a warkurai, tagun na raula ning ka rop, pa onone, pa bel ir rarop. Amen.