1 Korin 7:9 - Label

⁹ Ika ning bel la tolsot pasi sur lar warkurai tostos a nuknuk na palaonla, i wakak ka sur lar taulai. Anasa i wakak sur lar taulai, sur gong a nuknuk na palaonla i akamtur a balanla.

1 Korin 7:9 ပူးပေါင်းရင်းမြစ်များ

Aposel 19:36

Bel tik ir puai kusun a ututnala ne, i wakak ning mulor kes longoroi pa gong mulo tol ororos.

1 Korin 7:2

Ika, kamna ana pamuk a toltolla kaning, i wakak sur taktakai barsan ir taulai nuna hane ot, pa taktakai hane otleng ir taulai nuna barsan ot.

1 Korin 7:28

Ika, ning ur taulai, bel u tol a toltol laulau. Pa ning ta basbas ir taulai, bel i tol a toltol laulau. Ika, la ning la taulai lar kilang a galis a mamahat ting na nunla a lalaun, pa bel a mang sur mulor pastetek a mamahatla ne.

1 Korin 7:36

Ning ta barsan i nuki mang bel i tostos anuna toltol tetek a hane ning di ka suah alar tari teteki, pa ning a raula anuna hane ka han kas, pa a barsan ning ka mang sur diar taulai, i wakak sur ir taulai i ka. Bel i tol a toltol laulau. Diar taulai ka.

1 Korin 7:39

A hane ning ka taulai, a warkurai i kes onoi ning i dot taum diau mana nuna barsan, ning anuna barsan kaning i laun. Ika, ning anuna barsan ir mat, a hane ning ir langolango sur ir taulai ulak on tik ning i mang suri, ika ir taulai ot on tik ning i tortorot ana Leklek.

1 Tesalonika 4:4

Taktakai o mulo ir alasani sur ir warkurai alar a palaona, sur a toltol na totoh pa hanrawai ir kes ting na nuna lalaun.

1 Timoti 5:11

Pa a laola ning la rakrakai ot, gong u tumus akes a risanla. Anasa, ning a nuknuk a taulai ir hanot onla, lar han masik kusun e Karisito.

1 Timoti 5:14

Pa a mang sur a laola ning la rakrakai ot, lar taulai ulak, lar agon ulak, pa lar tai alar anunla rumaila, sur gong la tol ta utna ning anundala hiruala lar atong laulau dala onoi.