1 Korin 7:25 - Label

²⁵ Bel a kibas ta warkurai tana Leklek onla ning bel la taulai. Ika ar atai mulo ana nuknukik. Iau a ngas a barsan ning a taraila la tortorot hok, anasa a Leklek i maris kol iau.

1 Korin 7:25 ပူးပေါင်းရင်းမြစ်များ

1 Korin 15:10

Ika, e God i saran tar a lalaun ne a laun onoi, anasa ana nuna marmaris. Pa bel i arop oros tari ka anuna marmaris hok. A titol rakrakai kol tanla rop. Ika, belsur iau ot a titol, a marmaris ane God, ning i kes taum hok, i ning i titol.

1 Korin 4:2

La ning di ka saran tar al titol tanla, i wakak sur lar tol sot pasi.

1 Korin 7:10

A saran a warkurai ne tetek la otleng ning la taulai. Pa belsur iau, a Leklek ot i sarani. Gong ta hane i han kusun anuna barsan.

1 Korin 7:12

A atongi tetek dingla na tarai otleng. Bel a Leklek i atongi, iau ot a atongi larne: Ning ta tasindala ana tortorot, anuna hane bel a tena tortorot, pa a hane ning i mang sur diar kes taum, gong a tasindala i lu seni.

1 Korin 7:28

Ika, ning ur taulai, bel u tol a toltol laulau. Pa ning ta basbas ir taulai, bel i tol a toltol laulau. Ika, la ning la taulai lar kilang a galis a mamahat ting na nunla a lalaun, pa bel a mang sur mulor pastetek a mamahatla ne.

1 Korin 7:34

A nuknukna bel i takai ka, anasa i mang sur ir agasgas anuna hane pa a Leklek otleng. A hane ning bel i taulai o a basbas, i molot ana titol anuna Leklek. A nuknukna sur ir saran rop tar a palaona pa a inguna tetek a Leklek. Ika, a hane ning ka taulai, i molot ana titol mite na rakrakan hanua, sur ir agasgas anuna barsan.

1 Korin 7:40

Ika a hane ning, ir gas kol ning ir kes ka larning, pa bel ir taulai ulak. Ine a nuknukik, pa a nuki mang iau otleng a Inguna e God i kes hok.

1 Korin 7:6

A atong a warwara ne tetek mulo sur ir nangan mulo, bel sur ir arlar ana warkurai tetek mulo.

2 Korin 11:17

A momolna, ning a iaunan pas iau ot, bel a warwara arlar ana nuknuk anuna Leklek, a warwara ka arlar ana longlong.

2 Korin 2:17

Bel mila arlar onla, ning la titol ka ana warwara ane God sur a mani. Ika, o e Karisito mila warwara ana momol namatana e God, anasa i ot i sune sen mila.