1 Korin 7:17 - Label

¹⁷ Taktakai ir laun ot arlar ana lalaun ning a Leklek i saran tari tana, pa arlar ana ngas a keskes kaning tana, ning e God i kabah pasi. A saran a warkurai ne tetek a tarai a lotu ting na hananuala rop.

1 Korin 7:17 ပူးပေါင်းရင်းမြစ်များ

Matiu 19:12

Urmatana kamkamna ning a tarai bel lar taulai. Dingla na tarai di agon la lar otning. Dingla na tarai, a tarai alaulau la, pa dingla na tarai otleng, bel lar taulai anasa la molot ana titol ana matanitu misaot na langit. Esi ning i tol asoti, ir mur a warwara ning.”

1 Korin 10:32

Gong mulo tol ta utna ning ir apungan tik anasa ir tol a toltol ning a nuknukna ir tiwi onoi. Tik miting na tarai Juda, o miting na tarai ning bel a tarai Juda, o miting na tarai a lotu ane God.

1 Korin 11:16

Ning tik ir ururai ana warwara ne, ar atongi larne: Bel mila mur ta toltol masik, pa a tarai rop otleng ane God ting na hananuala, bel la mur ta toltol masik.

1 Korin 11:34

Ning al tarai o mulo la murak, i wakak ning lar hangan nigo pas ot ting na nunla na rumai, sur gong a warkurai a arkeles ane God ir kibas mulo, ning mulo kes taum. Ning ar hanot, ar saran ulak al warwara na atostos tetek mulo anal ututna otleng.

1 Korin 14:33

Anasa e God, a God na molmol, pa bel i mang sur a utna ning i loklokor. I wakak ning a gurara lar kes wowon ka ana lotu, arlar larning a tarai ane God la sira toli ting na hananuala rop. Bel di malmaling sur lar warwara. Lar anatarna pas la, arlar ana Warkurai anuna tarai Juda i atongi.

1 Korin 16:1

Ar atai mulo ana asaning mulor toli ana mani ning mulo minggen taumi sur a tarai ane God ning la kes saot e Jerusalem. Mulor toli larning ia ka atai tar a tarai a lotu ting na hananuala tumo na papar Galesia sur lar toli.

1 Korin 4:17

Ine i a kamna ning a sune sen e Timoti tetek mulo. I a natuklik ning a mang kol suri, pa i sira momol ana titol anuna Leklek. Ir anuknuk tar mulo ulak ana nuk na toltol, ning i kamna pas ana nuk a keskes taum o e Karisito Iesu. Anuk na toltol i arlar ana nuk a asaer tetek a tarai a lotu ana hananuala rop.

1 Korin 7:18

Ning e God ka kabah pas tik ning di ka kot talilis tar a palaona, dir noreni ot larning. Pa ning e God ka kabah pas tik ning bel di kot talilis a palaona, gong ma di kot talilisi.

1 Korin 7:24

Na tastasik, ana numulo a lalaun taum o e God, i wakak ning mulo taktakai mulor laun ot arlar ana ngas a keskes kaning ta mulo ning e God ka kabah pas mulo.

1 Korin 7:7

A mang sur a taraila rop lar arlar hok ning bel a taulai. Ika e God i saran tar na artabar tetek a taraila rop taktakai. Takai i kibas ning a artabar, pa takai otleng i kibas ning a artabar masik.

2 Korin 11:28

Ika ning a utna i itna kol tana ututnala ne i hanot tetek iau: anuka taialar tetek a tarai a lotu ting na hananuala rop i mamahat kol te na nuk a lalaun ana pukakiarla rop.

2 Korin 8:18

Milar sune seni taum ning tasimila, ning a tarai a lotu ting na hananuala rop la atong aleklek pasi ana nuna wakak a titol ning i warawai ana Wakak a Warwara.

Galesia 1:22

Ika a tarai a lotu ane Karisito tumo e Judia bel la tasman iau.

1 Tesalonika 2:14

Na tastasimitol, i manglarning anasa mulo arlar ana tarai a lotu ane God ning la kaning o e Karisito e Iesu, ning la kes to na papar Judia. Pa mulo otleng mulo kilang kankan ana kuna taraila ting na numulo a hanua, arlar ana tarai a lotu to e Judia la kilangi ana kuna nunla na tarai ot, a tarai Juda,

2 Tesalonika 1:4

Ine a kamkamna ning mitol ot mitol sira atong aitna pas mulo tetek a tarai a lotu ane God ting na hananuala. Mitol sira atong aitna pas mulo ana numulo a tuntunur rakrakai pa anumulo a tortorot, na arpotor ana mamahatla ning mulo kilangi taum ana kankan ning a tarai la akadik mulo onoi.