1 Korin 6:1 - Label

¹ Ning ta halimulo, anuna ta mamahat tetek ta halinla ana tortorot, sur asa ning ir han tetek la ning bel la tortorot, sur lar warkurai i, pa bel tetek a tarai ane God?

1 Korin 6:1 ပူးပေါင်းရင်းမြစ်များ

Matiu 5:45

Ning mulor toli larning, ir asangani mang mulo na natnat e Tamamulo, ning i kes saot na langit. Anasa i saran tar a kamis sur ir talapor ana laulau a tarai pa wakak a taraila otleng, pa i saran tar a kiar tetek na tena tostos pa tetek la otleng ning bel la tostos.

Aposel 19:38

A keskes a warkurai pa a tena warkuraila kanet. Ning e Demitrius pa a tena titolla ning la armuri, la mang sur lar arup tik on ta utna, lar atai a keskes a warkurai onoi. Pa la, lar atostos a warkurai onoi.

1 Korin 1:2

tetek mulo a tarai a lotu ane God to e Korin. Mulo ning e Karisito Iesu i atotoh pas mulo, pa i kabah pas mulo sur mulo a tarai ane God. Mulo a tarai ane God taum ana tarai rop ting na hanua rop ning la sira lotu ana risana anundala a Leklek e Iesu Karisito, esaning a Leklek anunla pa anundala otleng.

1 Korin 14:33

Anasa e God, a God na molmol, pa bel i mang sur a utna ning i loklokor. I wakak ning a gurara lar kes wowon ka ana lotu, arlar larning a tarai ane God la sira toli ting na hananuala rop. Bel di malmaling sur lar warwara. Lar anatarna pas la, arlar ana Warkurai anuna tarai Juda i atongi.

1 Korin 16:1

Ar atai mulo ana asaning mulor toli ana mani ning mulo minggen taumi sur a tarai ane God ning la kes saot e Jerusalem. Mulor toli larning ia ka atai tar a tarai a lotu ting na hananuala tumo na papar Galesia sur lar toli.

1 Korin 16:15

Mulo ka tasmani mang a tarai ning la kes ting na rumai ane Stepanas, la a ningnigo na tarai ning la lingir a nuknukinla ting na papar Akaia, pa la ka saran tar la sur lar nangan a tarai ane God. A nunung mulo na tastasik,

1 Korin 5:12

Sur asa ning ar warkurai na tarai, ning bel tagun dala a tarai a lotu? E God ot ir warkurai la. Ika ir wakak sur mulor warkurai la ning tagun dala a tarai a lotu. Mulor toli arlar ning di ka tumus tari ting na Buk Tabu larne, “Mulor kepsen a laulau a barsan kusun mulo.”

1 Korin 6:5

A atongi larne tetek mulo sur mulor meme onoi. Mangasa, bel tik o mulo i tastasim sur ir warkurai na mamahat arpotor tana tena tortorotla?