1 Korin 4:5 - Label

⁵ I maining gong mulo warkurai tik lanigo tana pukakiar a warkurai. Mulor harnanai tuk ning a Leklek ir hanot. Pa i ot, ir atalapor na ututna ning i mumun ting na mormorom, pa ir apuasa a nuknuk a taraila. Pa ana pukakiar ning, e God ir atong aitna pas a taraila, arlar ot ana nunla na titol taktakai.

1 Korin 4:5 ပူးပေါင်းရင်းမြစ်များ

Matiu 10:26

“Gong mulo ngaran a taraila. A ututnala rop ning di bunur tari, lamur ir kes puasa, pa a ututnala rop ning i kes kumna, lamur dir tasmani.

Matiu 24:30

“Ana taem ning, a akinalang ana Nat a Barsan ir hanot ana bakut. Pa na tarai miting na matanitu rop te na rakrakan hanua lar domos. Pa lar oroi a Nat a Barsan ir hanot ting na didia bakutla, taum ana rakrakai pa a tnan matatar.

Matiu 24:46

A tena titol oros ning, ir angis ning anuna leklek ir hanot pa ir oroi i ning i tolsot pas anuna titol.

Matiu 25:21

Anun a leklek i kelesi mang, ‘Wakak kol, u a wakak a tena titol oros, u momol ana num a titol. Ar suah tar u sur ur warkurai on al galis a utna, anasa u momol ana natar a utna ne. Lamut pa dar gas taum.’

Matiu 25:23

Anun a leklek i kelesi mang, ‘Wakak kol, u a wakak a tena titol oros, u momol ana num a titol. Ar suah tar u sur ur warkurai on al galis a utna, anasa u momol ana natar a utna ne. Lamut pa dar gas taum.’

Luk 6:37

“Gong mulo warkurai a toltol ana tik, pa bel otleng dir warkurai a toltol anumulo. Gong mulo arup tik, pa bel dir arup mulo. Mulor nuk duman sen a toltol laulaula ning a tarai la toli tetek mulo, pa dir kepsen anumulo na toltol laulau.

Jon 21:22

E Iesu i kelesi mange, “Ning a mang sur ir laun tuk ning ar ulak, bel a utna anumi. Ika u, ur mur iau.”

Jon 21:23

A warwara ne, i kamkamna sur ning a warwara otleng i han sarara tetek la ning la tortorot, mang a kaklik asasaer ne bel ir mat. Ika e Iesu bel i atongi mang bel ir mat, i atongi ka mange, “Ning a mang sur ir laun tuk ning ar ulak, bel a utna anumi.”

Jon 5:44

Mulo mang kol sur a tarai lar atong aleklek pas mulo, pa bel mulo rakrakai sur e God ir atong aleklek mulo, e God i ning takai sot ka. Ning i manglarning, bel mulo tortorot hok.

A Pas ane Pol tetek a tarai Rom 14:4

Esi u ning ur warkurai a tena titol anuna tik masik? Anuna Leklek ot ir oroi mang ir tur rakrakai o ir punga. Ika ir tur rakrakai ot, anasa a Leklek ot ir tolsot pasi sur ir arakrakai i.

A Pas ane Pol tetek a tarai Rom 2:1

I maining mulo rop ning mulo sira tiu a tarai masik pa mulo nuki mang mulo tostos, a atongi mang bel mulor puai lar pas. Anumulo na artitiu ir tiu ulak mulo ot. Anasa mulo tiu a tarai masik, ika mulo otleng mulo tol ka a toltol laulau arlar onla.

A Pas ane Pol tetek a tarai Rom 2:16

Ana pukakiar ning e God ir warkurai a taraila, ir saran tar a warkurai tetek e Karisito Iesu sur ir warkurai la ana ututnala ning i kes kumna ting na balanla. A sira warawai ana ututnala ne, ning a warawai ana Wakak a Warwara.

A Pas ane Pol tetek a tarai Rom 2:29

Ika ning tik i mur e God ting na balana, i ning a te Juda momol. Pa a momol a kot talilis, a Talngan Tabu i toli ting na balana, bel a tarai la toli ning la mur a Warkuraila ning di ka tumus tari. Tik ning a Talngan Tabu i toli larne onoi, bel a taraila lar atong alekleki, e God ot ir atong aleklek pasi.

A Pas ane Pol tetek a tarai Rom 2:7

La ning la rakrakai ana wakak a titol sur e God ir saran a matatar tanla pa ir aitna pas a risanla, pa la mang sur a lalaun ning bel ir rarop, e God ir saran a lalaun tikin tanla.

1 Korin 1:7

I maining bel mulor kapan sur ta artabar anuna Talngan Tabu tetek mulo, pa mulo harnanai ana gasgas sur anundala a Leklek e Iesu Karisito ning ir hanot talapor.

1 Korin 11:16

Ning tik ir ururai ana warwara ne, ar atongi larne: Bel mila mur ta toltol masik, pa a tarai rop otleng ane God ting na hananuala, bel la mur ta toltol masik.

1 Korin 11:26

Anasa, ana pukakiarla ning mulo ien a bret ne, pa mulo gang ana kap ne, mulo warwara talapor ot ana minat anuna Leklek, tuk ning ir ulak.

1 Korin 15:23

Ika a tinan ana kamkamtur ulak i manglarne: E Karisito a ningnigo na barsan ning i kamtur ulak kusun a minat, pa lamur ning ir hanot ulak, la ning anuna, la otleng.

1 Korin 3:13

dir apuasa anuna ngas a titol ana pukakiar a warkurai. Anasa dir apuasa i ana iah, pa a iah ir toh a ngas a titol anuna tarai taktakai.

1 Korin 3:14

Ning a titol anun tik ir tol sot pas a iah, ir kibas pas ot anuna arlou.

1 Korin 3:8

Esaning i omoman pa esaning i gosgosi, a nuknukindiau i takai ka. Pa diar kibas anundiau a arlou arlar ot ana nundiau taktakai titol.

2 Korin 10:18

Anasa esining i atong aleklek pasi ot, esaning bel i itna namatana Leklek, ika esining a Leklek i atong aleklek pasi, esaning i itna.

2 Korin 10:9

Gong mulo nuki mang a tumus anuka pasla tetek mulo sur mulor matmataut.

2 Korin 4:2

Mila ka manah kusun a toltol laulaula ning a tarai la sira tol kumnani pa la sira meme ono. Bel mila titol ana asasongo, pa bel mila pak rongo a warwara ane God. Mila pak talapor a momol a warwara tetek a tarai, sur lar oroi lalani ot ting na nuknukinla mang mila atong a momolna namatana e God.

2 Korin 5:10

Anasa dala rop dalar tur salanigo na keskes na warkurai ane Karisito. Ning dalar tol a wakakna o a laulauna, dala rop taktakai dalar kibas a arlou ana ututnala ning dala ka tol tari ana nundala lalaun te lapiu.

1 Tesalonika 5:2

Anasa mulo ka tasman wakaki mang a pukakiar ana Leklek ir hanot kulkulan, arlar ana tena kinkinau ana morom.

Hibru 4:13

Pa bel ta utna ning e God ka akes tari ning i mumun kusun a matana. A ututnala rop i tur langolango pa i talapor rop ka ana matana. Pa lamur dalar tur namatana pa dalar atong puasa a ututnala rop ning dala ka tol tari.

Jems 4:11

Na tastasik, gong mulo atong saksakan mulo. Esining i atong saksakan ta tasnalik, pa i warkurai i, i atong laulau a Warkuraila ane God pa i warkurai a Warkuraila ning. Pa ning u warkurai a Warkuraila, bel u muri, u nuki mang u itna tana.

Jems 5:7

Na tastasik, gong mulo ngoro kapit, ning mulo harnanai sur a tinan ot ulak ana Leklek. Mulor oroi a tena omomai, bel i ngoro kapit, ning i harnanai sur a kiar ir punga, pa a barim ir makos wakak.

Jems 5:9

Na tastasik, gong mulo ururai artalai, sakana e God ir warkurai mulo. Oroi, a Tena Warkurai ka tur ting na taman.

1 Pita 1:7

A mamahatla ne la hanot sur dir toho anumulo a tortorot, sur dir oroi i mang i momol o bel. Di toho anumulo a tortorot arlar onoi ning di tun atotoh a gol ting na iah. Ika anumulo a tortorot i itna kol tana gol ning ir rop ka. Pa ning anumulo a tortorot i tur rakrakai lamur tana larlarla, e Iesu Karisito ir rakan aleklek pas mulo, pa ir aitna pas mulo, pa ir saran a hanrawai tetek mulo ana pukakiar ning ir hanot puasa.

1 Pita 5:4

Ning a Ningnigo na tena tai alar anuna sipsipla ir hanot, mulor kibas a kukuh na matatar ning a matatarna bel ir rop.

2 Pita 3:12

ning mulor harnanai sur a pukakiar ane God, pa mulor aboso a pukakiar sur ir hanot kapit. Ana pukakiar ning, e God ir tun sen a bakut, pa na ututna saot na bakut ir polo ana tnan laplapang a iah, pa ir rorom.

2 Pita 3:4

pa lar atongi mang, “Kana ma a tinan ot ulak ane Iesu, ning i lele tar onoi? Turpasi ana raula ning na tumtubundala nating la mat, a ututnala i tur larot ning e God i akes tar la ana kamkam a akakes.”

A Pas ane Jut 1:14

Pa e Enok otleng, mais a mangis a tarai o e Adam, ka atong tar a warwara na propet onla mang, “Oroi i, a Leklek ir hanot ana nuna galis a rip a totoh na angelo,

Tatatai 1:7

Oroi, i han purum ana diah bakut, pa a matana tarai rop lar oroi i, pa la otleng ning la so tari, pa a mangis a tarai rop te na rakrakan hanua lar domos anasa onoi. Ir hanot lar otning. Amen.

Tatatai 20:12

Pa oroi a minatla rop, la ning la leklek pa la ning bel al risanla, ning la tur tar salanigo na keskes a king, pa di sapang a bukla. Di sapang ulak ning a buk, a buk a lalaun. Pa di warkurai a minatla arlar ana anunla a titolla ning di ka tumus akes tari ting na bukla.