1 Korin 4:20 - Label

²⁰ Anasa a matanitu ane God bel a warwara ka, a rakrakaina ot ning.

1 Korin 4:20 ပူးပေါင်းရင်းမြစ်များ

A Pas ane Pol tetek a tarai Rom 1:16

Bel a meme ana Wakak a Warwara, anasa i a rakrakai e God sur ir alaun pas a taraila rop ning la tortorot. Tetek mila a tarai Juda nigo, pa onone tetek mulo otleng ning bel na tarai Juda.

A Pas ane Pol tetek a tarai Rom 14:17

Anasa a matanitu ane God bel tagun a hangan pa gang. A matanitu ane God tagun a tostos a toltol, a bal molmol pa gasgas ana Talngan Tabu.

A Pas ane Pol tetek a tarai Rom 15:19

La oroi a rakrakai ana akinalangla pa a ututnala na kulkulan ning a toli ana rakrakai a Talngan Tabu. Manglarning misaot e Jerusalem tuk to e Ilirikum ia ka warawai rop pas tingia ana Wakak a Warwara ane Karisito.

1 Korin 1:24

Ika, e Karisito a rakrakai ane God, pa a tastasim ane God, tetek a tarai ning e God i kabah pas la. A tarai ning, tagun a tarai Juda pa miting na tarai Grik.

1 Korin 2:4

Ning a warwara pa warawai, bel a warwara ana warwara na tastasim anuna tarai, pa bel a warwara ana ngas a warwara ning ir dat a nuknukin a tarai. A rakrakai ana Talngan Tabu i amomol anuka warwara,

2 Korin 10:8

Ning mulo nuki mang mila sira iaunan mila ana rakrakai ning a Leklek ka saran tari tetek mila, bel mila meme onoi, anasa ka saran tari sur milar arakrakai mulo onoi, bel sur milar alaulau mulo.

1 Tesalonika 1:5

anasa a Wakak a Warwara ning mitol apuasa i tetek mulo, bel i hanot ana warwara ka, i hanot taum ana rakrakai pa taum ana Talngan Tabu, pa mulo longor lalani pa mulo tong akesi ana balamulo. Mulo tasman wakak anumitol a toltol, ning mitol laun potor napirim mulo sur mulor wakak onoi.