1 Korin 4:17 - Label

¹⁷ Ine i a kamna ning a sune sen e Timoti tetek mulo. I a natuklik ning a mang kol suri, pa i sira momol ana titol anuna Leklek. Ir anuknuk tar mulo ulak ana nuk na toltol, ning i kamna pas ana nuk a keskes taum o e Karisito Iesu. Anuk na toltol i arlar ana nuk a asaer tetek a tarai a lotu ana hananuala rop.

1 Korin 4:17 ပူးပေါင်းရင်းမြစ်များ

Matiu 24:45

“A tena titol oros ning i momol ana nuna titol pa i tasman otleng, anuna leklek ir akes tari sur ir tena warkurai ting na nuna rumai, pa ir tabar a tena titol orosla otleng, ana anla a utna na hangan ana taem na hangan.

Matiu 25:21

Anun a leklek i kelesi mang, ‘Wakak kol, u a wakak a tena titol oros, u momol ana num a titol. Ar suah tar u sur ur warkurai on al galis a utna, anasa u momol ana natar a utna ne. Lamut pa dar gas taum.’

Matiu 25:23

Anun a leklek i kelesi mang, ‘Wakak kol, u a wakak a tena titol oros, u momol ana num a titol. Ar suah tar u sur ur warkurai on al galis a utna, anasa u momol ana natar a utna ne. Lamut pa dar gas taum.’

Aposel 16:1

Ana tinan ane Pol pa e Sailas dia hanot uting e Derbe pa lamur uting e Listra. Ning tagun a tarai a asasaerla i kes ting na hanua Listra, a risana e Timoti, a nat a hane Juda, a tena tortorot, pa e tamana a te Grik.

1 Korin 11:16

Ning tik ir ururai ana warwara ne, ar atongi larne: Bel mila mur ta toltol masik, pa a tarai rop otleng ane God ting na hananuala, bel la mur ta toltol masik.

1 Korin 11:2

A atong aitna pas mulo, anasa mulo sira nuk pas iau ana ututnala rop, pa mulo mur na asaer ning ia ka asaer tar mulo onoi.

1 Korin 11:34

Ning al tarai o mulo la murak, i wakak ning lar hangan nigo pas ot ting na nunla na rumai, sur gong a warkurai a arkeles ane God ir kibas mulo, ning mulo kes taum. Ning ar hanot, ar saran ulak al warwara na atostos tetek mulo anal ututna otleng.

1 Korin 14:33

Anasa e God, a God na molmol, pa bel i mang sur a utna ning i loklokor. I wakak ning a gurara lar kes wowon ka ana lotu, arlar larning a tarai ane God la sira toli ting na hananuala rop. Bel di malmaling sur lar warwara. Lar anatarna pas la, arlar ana Warkurai anuna tarai Juda i atongi.

1 Korin 16:1

Ar atai mulo ana asaning mulor toli ana mani ning mulo minggen taumi sur a tarai ane God ning la kes saot e Jerusalem. Mulor toli larning ia ka atai tar a tarai a lotu ting na hananuala tumo na papar Galesia sur lar toli.

1 Korin 16:10

Ning e Timoti ir hanot tetek mulo, mulor tai alari sur gong i matmataut ning i kes napirimulo, anasa i tol a titol anuna Leklek, arlar hok otleng ning a toli.

1 Korin 4:14

Bel a tumus na warwara ne sur ar ame mulo onoi. A tumusi sur ar atumarang mulo, larning mulo na natnatuk ning a mang kol sur mulo.

1 Korin 4:15

Ngandek ning anumulo ta bonot arip a tena tai alar, ning la tai alar anumulo na lalaun o e Karisito, ika bel al galis a tamtamamulo. O e Karisito Iesu, iau a tamamulo, anasa a saran a Wakak a Warwara tetek mulo.

1 Korin 4:2

La ning di ka saran tar al titol tanla, i wakak sur lar tol sot pasi.

1 Korin 7:17

Taktakai ir laun ot arlar ana lalaun ning a Leklek i saran tari tana, pa arlar ana ngas a keskes kaning tana, ning e God i kabah pasi. A saran a warkurai ne tetek a tarai a lotu ting na hananuala rop.

1 Korin 7:25

Bel a kibas ta warkurai tana Leklek onla ning bel la taulai. Ika ar atai mulo ana nuknukik. Iau a ngas a barsan ning a taraila la tortorot hok, anasa a Leklek i maris kol iau.

2 Korin 8:18

Milar sune seni taum ning tasimila, ning a tarai a lotu ting na hananuala rop la atong aleklek pasi ana nuna wakak a titol ning i warawai ana Wakak a Warwara.

Epeses 6:21

E Tikikus, a wakak a tasindala pa a momol a tena titol anuna Leklek, ir atai mulo ana ututnala rop, sur mulor tasmani mang kane a laun mangmangasa pa asaning a sira toli.

Pilipai 2:19

Ning a Leklek i malmaling ana nuknukik, bel ir bongnani ar sune sen e Timoti tetek mulo, sur iau otleng ar gas ning ar longor na warwara talapor o mulo.

Pilipai 2:22

Ika mulo ka tasman a wakak a toltol ane Timoti, ning i titol taum hok ana warawai ana Wakak a Warwara arlar ana kaklik ning i titol taum o e tamana.

Kolosi 1:7

E Epapras ka asaer tar mulo onoi. I a wakak a tena titol taum o mila, ning mila mang kol suri, pa a momol a tena titol ane Karisito ning i tur aslang mila.

Kolosi 4:9

Ir han taum o e Onesimus, a tasindala ning i momol ana nuna titol pa dala mang kol suri, i ning a halimulo. Diar atai mulo ana ututnala rop ning i hanot te.

1 Timoti 1:18

E Timoti a natuklik, a asasaerla ne a sarani tam, i arlar ana warwara na propet ning di ka atong tari hom ning la nunung hom. Ning ur mur a asasaerla ne, u ning a wakak a tena harum ana Wakak a Warwara.

1 Timoti 1:2

A tumus a pas ne tetek u e Timoti, a natuklik momol ana tortorot. A marmaris pa a wakak a toltol taum ana bal molmol, ta e God a Tamandala pa e Karisito Iesu anundala Leklek, ir kes taum hom.

2 Timoti 1:2

A tumus a pas ne tetek u Timoti a wakak a natuklik ana tortorot. A marmaris pa a wakak a toltol pa a bal molmol, miting ta e God a Tamandala pa e Karisito Iesu anundala Leklek ir kes tetek u.

2 Timoti 2:2

A asasaerla ning u ka longor pasi kusun iau namatana galis a tarai, ur asaer al barsan onoi, la ning u tortorot onla mang lar tolsot pasi sur lar asaer al tarai otleng onoi.

2 Timoti 3:10

Ika u Timoti, u ka tasman rop anuka asasaerla, anuka toltol, a kamkamna momol anuka toltol, anuka tortorot, anuka bal molmol, anuka marmaris, anuka tuntunur rakrakai ana kankan,

Taitus 1:5

A han kusun u ting na lolo Krit, sur u ma ur arop a titolla ning belot i rop, pa ur aslang pas al ningnigo ana lotu ting na hananuala rop arlar ot ning ia ka atong tari tam.

Tatatai 2:10

Gong mulo matatan a kankan ning milau ir hanot tetek mulo. Oroi i, e Satan ir akas tar dingla na tarai o mulo uting na rumai a dodot suir lar mulo, pa mulor kilang a kankan ana ning a bonot a pukakiar. Mulor tur rakrakai ot ana anumulo a tortorot tuk ana pukakiar ning mulor mat ono, par saran tar a lalaun tetek mulo, larning di saran a arlou tetek tik ning i tolsot pas a arsoksok.

Tatatai 2:13

A tasman a hanua ning mulo kes ia, a hanua ning e Satan i kes na king ia. Ika mulo tur rakrakai ana risak. Anumulo a tortorot bel i han masik kusun iau, ning di um kol e Antipas. Esaning anuka momol a tena warwara talapor, ning di um koli ting na numulo a hanua, ning e Satan i kes ia.