1 Korin 4:15 - Label

¹⁵ Ngandek ning anumulo ta bonot arip a tena tai alar, ning la tai alar anumulo na lalaun o e Karisito, ika bel al galis a tamtamamulo. O e Karisito Iesu, iau a tamamulo, anasa a saran a Wakak a Warwara tetek mulo.

1 Korin 4:15 ပူးပေါင်းရင်းမြစ်များ

A Pas ane Pol tetek a tarai Rom 15:20

Ana kamkama nuka titol tetek e Karisito tuk onone, anuka tnan nuknuk sur ar warawai ana Wakak a Warwara ting na hananuala ning bel la tasman e Karisito, sur gong a tol a rumai saot na kamkam a rumai ning tik ka atur tari.

1 Korin 1:30

E God ot ka tol tar a ngas sur mulor laun taum o e Karisito Iesu, pa i saran tari sur i a kamkama anundala na tastasim ta e God. O e Karisito, e God i atong dala mang dala tostos namatana, pa dala totoh namatana. Pa ana titol ane Karisito, e God i lou alangolango pas dala kusun anundala na toltol laulau.

1 Korin 15:1

Na tastasik, a mang sur ar atai ulak mulo ana Wakak a Warwara, ning nating ia ka warawai tar ono tetek mulo, pa mulo ka kibas pasi, pa mulo ka tur rakrakai onoi.

1 Korin 3:10

Ana marmaris ane God ning ka saran tari tak, a titol arlar ana tena tol rumai ning i tastasim. Ia ka atur tar a kama rumai, pa dingla na tarai maleng la titol saot onoi. La rop taktakai ning la titol saot onoi, lar tumarang la anasi na ngas a titol ning la sira toli.

1 Korin 3:6

Iau a oman a wana, e Apolos i gosgosi ana malum, ika e God ot i agomo pasi.

1 Korin 3:8

Esaning i omoman pa esaning i gosgosi, a nuknukindiau i takai ka. Pa diar kibas anundiau a arlou arlar ot ana nundiau taktakai titol.

1 Korin 9:12

I tostos sur a tarai masik lar kibas pas a harnangai ne tamulo, pa i tostos kol sur mila otleng milar kibasi tamulo. Ika bel mila angongos pas mulo sur anumulo ta harnangai. Mila kilang a galis a mamahat, ika bel mila nunung mulo sur ta harnangai, sur gong mila sairas a Wakak a Warwara ane Karisito.

1 Korin 9:14

Lar otleng ning a Leklek ka warkurai tari mang, la ning la warawai ana Wakak a Warwara, lar kibas a arlou miting na Wakak a Warwara sur lar laun onoi.

1 Korin 9:16

Ning a warawai ana Wakak a Warwara, bel a iaunan iau onoi. Anasa e God ka saran tar a titol na warawai tak, pa bel ar tolsot pas sur ar manah onoi. Pa ir laulau kol tetek iau ning bel ar warawai ana Wakak a Warwara.

1 Korin 9:18

Asa ning anuka arlou? Anuk a arlou i larne: Ar gas sur ar warawai ana Wakak a Warwara, pa bel tik ir lou iau. A toli larne sur gong a nunung mulo sur anumulo ta harnangai ning i tostos sur mulor sarani tetek iau.

1 Korin 9:23

A ututnala ne a toli sur a Wakak a Warwara ir gomo, sur ir angis iau taum onla.

2 Korin 4:5

Bel mila warawai o mila ot, mila warawai ka o e Iesu Karisito mang i a Leklek. Pa mila anumulo na tena titol ka, kamna ana arsune ane Iesu.

Galesia 3:24

A Warkuraila i arlar ana tena tai alar tetek dala, sur ir ben dala tetek e Karisito, sur dalar tortorot onoi pa dir atong dala mang a tena tostosla namatana e God.

Galesia 3:25

Ika onone, a ngas ana tortorot ka hanot, larning bel ma dala kes ulak nahai a Warkuraila, ning i tai alar dala.

Galesia 4:19

Na natnatukla, a kilang ulak a kankan sur mulo arlar ana hane ning i agon. Ar kilangi tuk mulor arlar o e Karisito.

2 Timoti 4:3

Anasa a taem ir hanot, ning a taraila bel lar mang sur a tostos a asasaer. Lar mur a nuknukinla, lar ben taum a galis a tena asaer tetek la, sur lar asaer la ana ututnala ning la mang sur lar longori.

Taitus 1:4

A tumtumus tetek u e Taitus, u a natuklik, anasa takai ka a tortorot anundala. A marmaris pa a bal molmol ta e God a Tamandala pa e Karisito Iesu anundala a Tena Alaun, ir kes hom.

Pilimon 1:19

Iau e Pol a tumus a warwara ne ana kuk ot: ar keles tar a dinau ning tetek u. Bel ar atong ta utna tam, u ot u ka tasmani mang a tona lalaun ning u kibas pasi i kamkamna ot hok, pa i arlar ana dinau tetek u.

Jems 1:18

Ana nuknukna ot, i agon tona dala ana nuna warwara momol. I aslang pas dala kusun a akakesla rop, sur dala anuna tarai ot, arlar ana ningnigo na wana rakai ning di sira artabar onoi teteki.

1 Pita 1:23

Anasa di ka agon ulak pas mulo. Pa anumulo a tona lalaun, bel i kamna pas on tik mite lapiu, anasa tik mite lapiu ir rarop ka. Di agon tona mulo ana utna ning bel ir rarop, i a warwara ane God, ning i laun pa ir kes tikin.