1 Korin 3:9 - Label

⁹ Anasa miau naur a tena titol taum ane God. Pa mulo, mulo arlar ana barim ane God, pa arlar otleng ana nuna rumai.

1 Korin 3:9 ပူးပေါင်းရင်းမြစ်များ

Matiu 15:13

I keles la mang, “A rakaila ning e Tata, ning i kes saot na langit, bel i oman la, dir gat arop sen la.

Matiu 16:18

Pa a atongi tam mang, u e Pita, a hat kes. Ar atur anuka tarai a lotu ana hat ne. A rakrakai ana minat bel ir tolsot pas anuka tarai a lotu.

Matiu 9:37

Pa i atongi tana nun a kakak a asaerla mang, “A barim ka makos, pa i galis kol, ika bel al galis a tena sol.

A Wakak a Warwara o e Iesu Karisito i tumusi 16:20

Anuna kakak a asaer la han, pa la warawai ana hanhanua rop. Pa a Leklek i nangan la, pa i amomol tar anuna na warwara ana ututnala na kulkulan ning i han taum ono.]

Aposel 4:11

E Iesu ‘A hat ning mulo na tena tol rumai mulo kepseni, i ot ning a wakak a hat kes, ning di tol a rumai saot ono, i wakak tana hatatla rop.’ Buk Song 118:22

1 Korin 3:16

Mangasa, bel mulo tasmani mang mulo a rumai ane God, pa a Inguna e God kaning o mulo?

1 Korin 3:6

Iau a oman a wana, e Apolos i gosgosi ana malum, ika e God ot i agomo pasi.

1 Korin 6:19

Mangasa, bel mulo tasmani mang a palaomulo a rumai anuna Talngan Tabu? A Talngan Tabu ning i kes o mulo, e God ka tabar tar mulo onoi. Mulo ot belsur anumuloi,

2 Korin 6:1

Mila titol taum o e God, pa mila nunung mulo, sur gong mulo kibas oros a marmaris ning e God ka saran tari tetek mulo.

2 Korin 6:16

A asasongo na godla pa rumai a artabar ane God diar malmaling taum mangasa? Anasa dala ot a rumai a artabar ane God ning i laun. Larning e God ka atong tari mange, “Ar kes taum onla, pa ar han arpotor tanla. Pa iau anunla a God, pa la anuka taraila.” Liwai 26:12

Epeses 2:10

Dala rop, a ngen kuna e God, i akes dala o e Karisito Iesu, sur dalar tol a wakak a titolla, ning e God ka sang tari sur dalar toli.

Kolosi 2:7

Anumulo lalaun ir suah a wakir o e Iesu sur ir gomo, pa mulor tur saot onoi. Mulor tur rakrakai ana tortorot larning di ka asaer tar mulo onoi, pa mulor bukus ana atong wakak tetek e God.

1 Timoti 3:15

Pa ning bel ar hanot kapit, u ka tasman a toltol ning a tarai ane God lar toli na arpotor tanla. A tarai a lotu ane God ning i laun, la arlar ana pos pa a kama rumai ning la arakrakai a momolna.

Hibru 3:6

Ika e Karisito, i a Nat e God pa i momol ana nuna titol ning i tai alar a rumai ane God. Ning dala tur rakrakai ana tortorot, pa bel dala matmataut, pa dala harnanai sur a ututnala ning e God ir toli, dala a rumai ane God.

1 Pita 2:5

Pa mulo otleng, mulo arlar ana lalaun a hatatla, ning e God i titol o mulo sur mulor hanot a rumai ana Talngan Tabu. Mulor hanot na totoh a tena artabar tetek e God, sur mulor saran na artabar ning i hanot miting na Talngan Tabu, ning i wakak namatana e God, anasa o e Iesu Karisito.

3 Jon 1:8

Manglarning i wakak sur dalar nangan a ngas a tarai ning, sur dalar titol taum sur a momolna.