1 Korin 3:15 - Label

¹⁵ Ika ning a iah ir tun rop sen anuna titol, anuna titol ir utna oros kama. E God ir alaun pas a tena titol ning, ika ir arlar kama ana barsan ning di alaun pasi kusun a iah.

1 Korin 3:15 ပူးပေါင်းရင်းမြစ်များ

Aposel 27:21

A galis a pukakiar bel la hangan. Lamur e Pol i tur namatanla pa i atai la mange, “A taraila! Ngandek ning mulor longor a nuk a warwara pa bel dala han mitimo e Krit, bel ta utna larne ir kibas dala, pa a sip taum ana ututnala bel ir laulau.

Aposel 27:44

Pa la ning bel la tasman a iel, lar saler murmur ana palangla pa ana didia sip. Manglarning, la rop la sot purum utumo na masmasa pa la laun.

1 Pita 4:18

A Buk Tabu i atongi larne, “Ir ngangaten sur dir alaun pas na tostos a tarai. Pa ir mangmangasa tetek na laulau a tarai pa la ning bel la tortorot o e God?” Sindaun 11:31

2 Jon 1:8

Mulor tai alar mulo sur gong mulo suah sen a utna ning mulo ka titol suri. Ika, mulor tur rakrakai sur mulor kibas pas anumulo na kidol a arlou.

A Pas ane Jut 1:23

Pa mulor kepsen kapit pas dingla na tarai ning kaning na iah pa mulor alaun la. Pa tetek dingla na tarai otleng mulor asangan a marmaris pa mulor matmataut, sur gong mulo kibas anunla na toltol. Pa mulor matatan anunla na kaen ning i dur ana anunla na laulau a toltol.

Tatatai 3:18

A nangan mulo ana nuknukla ne: Mulor lou a gol tak, ning di ka tun totoh tari ana iah, sur mulor gongon ono. Pa mulor lou otleng a kokok a kaen pa mulor pipisi, sur mulor pipis alar mulo sur gong mulo meme, anasa mulo mengere ka. Pa mulor lou a marasin tak pa mulor suahi ana naur a kalso matamulo, sur mulor tai wakak.