1 Korin 16:10 - Label

¹⁰ Ning e Timoti ir hanot tetek mulo, mulor tai alari sur gong i matmataut ning i kes napirimulo, anasa i tol a titol anuna Leklek, arlar hok otleng ning a toli.

1 Korin 16:10 ပူးပေါင်းရင်းမြစ်များ

Aposel 16:1

Ana tinan ane Pol pa e Sailas dia hanot uting e Derbe pa lamur uting e Listra. Ning tagun a tarai a asasaerla i kes ting na hanua Listra, a risana e Timoti, a nat a hane Juda, a tena tortorot, pa e tamana a te Grik.

Aposel 19:22

I sune nigon e Timoti pa e Erastus, dia tagun la ning la sira nangani, utumo e Makedonia, pa i, i kes kaba to na papar Esia.

A Pas ane Pol tetek a tarai Rom 16:21

E Timoti, esaning mia titol taum ana titol ane Karisito, i saran anuna marmaris tetek mulo. Pa natola maik otleng, e Lusius, Jeson pa e Sosipater, ditol saran tar anunditol a marmaris tetek mulo.

1 Korin 15:58

I maining na tastasik, mulor tur rakrakai, pa gong i gulgule anumulo a tortorot ana kamkamtur ulak kusun a minat. Mulor saran rop tar anumulo a lalaun sur a titol anuna Leklek, anasa mulo tasmani mang a titolla rop mulo toli ana rakrakai ana Leklek belsur a utna oros ka.

1 Korin 16:11

Gong mulo oroi purumi. Ning ir ulak ute tetek iau, mulor sune seni ana molmol. Pa iau, a kes nanan pasi, ning ir hanot taum ana tastasindala.

1 Korin 4:17

Ine i a kamna ning a sune sen e Timoti tetek mulo. I a natuklik ning a mang kol suri, pa i sira momol ana titol anuna Leklek. Ir anuknuk tar mulo ulak ana nuk na toltol, ning i kamna pas ana nuk a keskes taum o e Karisito Iesu. Anuk na toltol i arlar ana nuk a asaer tetek a tarai a lotu ana hananuala rop.

2 Korin 1:1

Iau e Pol, a aposel anun e Karisito Iesu ana nuknuk e God, miau ma e Timoti a tasindala, mia tumus a pas ne tetek mulo a tarai a lotu ane God tingia e Korin, pa a tarai rop ane God ting na papar Akaia.

2 Korin 6:1

Mila titol taum o e God, pa mila nunung mulo, sur gong mulo kibas oros a marmaris ning e God ka saran tari tetek mulo.

1 Tesalonika 3:2

Pa mia ka sune tar e Timoti a tasindala, pa a tena titol ane God taum o miau, ning mitol sira warwara talapor ana Wakak a Warwara o e Karisito. Mia ka sune seni tetek mulo, sur ir arakrakai mulo, pa ir warwara na harnangai tetek mulo ana numulo na tortorot,

1 Tesalonika 4:12

Ning mulor toli larning, a tarai ning bel la tortorot lar hanrawai mulo, pa bel mulor kapan sur ta utna.