1 Korin 15:6 - Label

⁶ Lamur i hanot tetek na tastasindala ana tortorot. A wawasinla i arlar ana dilima na mar pa i punga, ning la kes taum ana pukakiar ning. Pa galis kol on la, la kaning ot la laun, ika, dingla la ka mat.

1 Korin 15:6 ပူးပေါင်းရင်းမြစ်များ

Matiu 28:10

Pa e Iesu i atai diau mang, “Gong mu matmataut. Mur han pa mur atai a tastasikla, sur lar han utumo e Galili, pa lar oroi iau tumo.”

A Wakak a Warwara o e Iesu Karisito i tumusi 16:7

Mutol han, mutol ar atai anuna na kakak a asaerla pa e Pita otleng mange, ‘E Iesu ir nigo utumo e Galili. Mulor oroi tumo, lar ot ning ka atai nigon tar mulo.’”

Aposel 13:36

“E Dewit i tolsot rop pas a nuknuk anune God ana nuna pukakiarla na lalaun. Lamur i mat, pa di pori taum dingla na tumtubunala, pa a palaona i marase.

Aposel 7:60

Pa i kes ana bokona hana, pa i kukuk mang, “Leklek, gong u keles a toltol laulau ne la toli.” Ning i atong aropi larne, i mat.

1 Korin 15:18

Pa na tena tortorot otleng o e Karisito ning la ka mat, la mat tikin.

1 Korin 15:20

Ika i momol, e God ka akamtur ulak e Karisito kusun a minat. I a ningnigo na barsan ning i kamtur ulak kusun a minat, pa i asangani mang lamur a minatla otleng lar kamtur ulak.

1 Tesalonika 4:13

Na tastasimitol, mitol mang sur mulor tastasman onla ning la ka mat, pa gong mulo bal maris arlar ana tarai ning bel la harnanai ana tortorot ana kamkamtur ulak kusun a minat.

1 Tesalonika 4:15

A warwara ning mitol atai mulo onoi, a warwara ot anuna Leklek. Dala ning dalar laun tuk ana pukakiar ning a Leklek ir hanot ulak, bel dalar nigo tanla ning la ka mat.

2 Pita 3:4

pa lar atongi mang, “Kana ma a tinan ot ulak ane Iesu, ning i lele tar onoi? Turpasi ana raula ning na tumtubundala nating la mat, a ututnala i tur larot ning e God i akes tar la ana kamkam a akakes.”