1 Korin 15:19 - Label

¹⁹ Ning dala harnanai ana tortorot o e Karisito sur a ututnala ning ir toli ana lalaun ka te lapiu, dalar pot na marmaris kol tana tarai rop.

1 Korin 15:19 ပူးပေါင်းရင်းမြစ်များ

Matiu 24:9

“Kaning lamur, dir saran tar mulo sur dir alaulau mulo, pa dir umkol mulo, pa na tarai miting na matanitu rop lar nget mulo, anasa mulo anuki.

Luk 21:34

“Mulor tai alar mulo, sakana mulor molot ana tol ngasa pa sipak, pa nuknuk kol ana ututnala ana lalaun te lapiu, pa pukakiar ning ir hanot tetek mulo arlar ana kun ning ir akulkulan mulo.

Luk 8:14

Pa a patnala ning la punga tar ting na tinine rosrosla, la arlar ana tarai ning la longor a warwara, ika ana nunla lalaun, a nuknuk kol, a gongonla, pa a gasgas tagun a lalaun anone, la rau alar a warwara, pa bel la wai.

Jon 16:2

Lar sairas mulo kusun a rumai lotula. Momol, a taem ir hanot lamur, ning a tarai ning lar umkol mulo, lar nuki mang la tol a titol ane God.

Jon 16:33

“A atong a warwarala ne ta mulo sur mulor laun hok pa bal molmol ir kes o mulo. Te ana rakrakan hanua, mulor kilang a mamahat. Ika gong mulo matmataut, anasa ia ka tolsot pas a rakrakai ana rakrakan hanua.”

Aposel 14:22

Dia arakrakai a tarai a asasaer tagun a natola hanua ning, pa dia wunan la, sur lar tur rakrakai ana nunla tortorot. Dia atai la mange, “A galis a mamahat ir kibas nigon tar dala, lamur ma dalar kas ana matanitu ane God.”

1 Tesalonika 1:3

Ning mitol nunung tetek anundala God a Tamandala, mitol nuk pas a ututnala ning mulo sira toli kamkamna ana numulo a tortorot, pa mitol nuk pas a titol ning mulo toli kamkamna ana numulo a marmaris, pa mitol nuk pas otleng anumulo na tuntunur rakrakai kamkamna ana numulo a keskes harnanai ana tortorot ana Leklek e Iesu Karisito.

2 Timoti 1:12

Ine kamkamna ning a kilang kankan larne. Ika, bel a meme, anasa a tasman esaning a tortorot onoi. I momol kol, a tasmani mang ir tolsot pasi sur ir tai alar a titol ning i saran tari tak, tuk ana pukakiar a warkurai.

2 Timoti 2:4

A wakak a tena harum bel i molot ana titol anuna tarai oros ka. Ir tol ot anuna titol sur ir agasgas anuna ningnigo.

2 Timoti 3:12

Momol, a tarai lar akadik la rop ning la laun taum o e Karisito Iesu pa la mang sur lar mur a lalaun arlar ana nuknuk e God.

1 Pita 1:21

O e Karisito, mulo tortorot o e God, ning i akamtur ulak pasi kusun a minat, pa i saran tar a matatar teteki. Larning mulo tortorot o e God pa mulo harnanai ana tortorot sur a utna ning ir toli lamur.

Tatatai 14:13

Lamur a longor a elngen takai misaot na langit i atongi mang, “Ur tumus a utna ne: La ning la ka mat ana tortorot ana Leklek turpasi anone pa lamur, la angis.” A Talngan Tabu i atongi mang, “Momolna, lar manah kusun anunla a titolla, anasa anunla a wakak a titolla ir han taum on la.”