Dalar mur a tostos a toltol, larning dala laun ana kabakiar. Gong dala sipak, pa gong dala kukuk taltal taum ana longlong a toltol. Gong dala tol a pamuk a toltol, pa gong dala tol a utna na meme. Gong dala arngaras, pa gong dala bal laulau.
Ning al tarai o mulo la murak, i wakak ning lar hangan nigo pas ot ting na nunla na rumai, sur gong a warkurai a arkeles ane God ir kibas mulo, ning mulo kes taum. Ning ar hanot, ar saran ulak al warwara na atostos tetek mulo anal ututna otleng.
A momolna, a kes masik kusun mulo ana palaok, ika ana inguk a kes taum ot o mulo, pa a gas ning a oroi mang mulo warkurai tostos anumulo na lalaun pa mulo tur rakrakai ana numulo na tortorot o e Karisito.
A han kusun u ting na lolo Krit, sur u ma ur arop a titolla ning belot i rop, pa ur aslang pas al ningnigo ana lotu ting na hananuala rop arlar ot ning ia ka atong tari tam.
