1 Korin 14:37 - Label

³⁷ Ning tik i nuki mang i ot a propet, o i nuki mang a Talngan Tabu kaning i kes onoi, i wakak sur ir tasmani mang asaning a tumusi tetek mulo, i a warkurai ot anuna Leklek.

1 Korin 14:37 ပူးပေါင်းရင်းမြစ်များ

Luk 10:16

E Iesu i atai anuna kakak a asaerla mang, “Ning tik i longor mulo, i longor iau. Pa tik ning i puain sen mulo, i puain sen iau otleng. Pa tik ning i puain sen iau, i puain sen otleng esaning i sune iau ute.”

A Pas ane Pol tetek a tarai Rom 12:3

Anasa ana nuna marmaris tetek iau, a atongi tetek mulo rop taktakai mang: Gong mulo aitna kol pas mulo ot. Mulor nuknuk wakak omulo, arlar ot ana tortorot ning e God ka saran tari ta mulo.

1 Korin 14:29

Ir naur o ir natol, ditol ir warwara na propet, pa a taraila lar nuknuk wakak ana nunditol a warwara ning i momol o bel.

1 Korin 14:36

Mangasa, mulo a kama warwara ane God? Bel. Mangasa, i hanot ka tetek mulo? Bel.

1 Korin 14:38

Ning tik bel i mur a warwara ne, e God bel ir oroi lalani.

1 Korin 2:15

Esining a Talngan Tabu kane onoi, ir tasman lalan na ututnala rop ning i wakak o bel i wakak. Ika, bel tik ir tolsot pasi sur ir warkurai i.

1 Korin 3:1

Na tastasik, nating bel a warwara lar pas tetek mulo arlar ana tarai ning a Talngan Tabu kaning onla. A warwara tetek mulo arlar larning tetek a tarai mite na rakrakan hanua, ning mulo na kakakla ot te na keskes taum o e Karisito.

1 Korin 7:25

Bel a kibas ta warkurai tana Leklek onla ning bel la taulai. Ika ar atai mulo ana nuknukik. Iau a ngas a barsan ning a taraila la tortorot hok, anasa a Leklek i maris kol iau.

1 Korin 7:40

Ika a hane ning, ir gas kol ning ir kes ka larning, pa bel ir taulai ulak. Ine a nuknukik, pa a nuki mang iau otleng a Inguna e God i kes hok.

1 Korin 8:2

Ning tik i nuki mang ka tastasmai kol on ta utna, anuna tastasim belot i sot.

2 Korin 10:12

Bel mila sira arlar mila onla ning la atongi mang la itna kol. Ning la arlar artalai la ulak ot, la longlong kol!

2 Korin 10:7

Mulor oroi wakak a ututnala! Ning tik i nuki mang i ane Karisito, i wakak sur ir nuknuk wakak pa ir oroi lalani mang mila otleng ane Karisito, arlar ka onoi.

2 Korin 11:4

Anasa mulo gas sur mulor longor tik ning i hanot tetek mulo pa i warawai ana maskana Iesu, bel e Iesu ning mila warawai ono. Pa mulo gas ka sur dir tabar mulo ana maskana ingun, bel a Talngan Tabu. Pa mulo gas ka sur mulor longor a maskana Wakak a Warwara, bel a Wakak a Warwara ning mulo ka tortorot ono.

Galesia 6:8

Esining i mur a lalaun turai, ir sol pas a minat tikin. Pa esining i mur a Talngan Tabu, ir sol a lalaun tikin tana Talngan Tabu.

2 Pita 3:2

A mang sur mulor nuk pas na warwara ning a propetla ane God la ka warwara nigo tar onoi, pa mulor nuk pasi otleng a warkurai ana nundala a Leklek pa Tena Alaun, ning a aposella la ka atai tar mulo onoi.

1 Jon 4:6

Dala tagun e God, pa esining i tasman e God i longor dala. Ika esining bel tagun e God bel i longor tan dala. Larning dala oroi lalan a Talngan Tabu ning i momol, pa a laulau a inguna ning a tena asasongo.

A Pas ane Jut 1:17

Ika mulo, na halalik, mulor nuk pas a warwarala anuna aposella ane Iesu Karisito anundala a Leklek, ning la ka atai nigon tar mulo ono.