1 Korin 14:3 - Label

³ Ika, tik ning i warwara na propet, i warwara tetek a taraila sur ir arakrakai la, ir nangan la pa ir amoro la.

1 Korin 14:3 ပူးပေါင်းရင်းမြစ်များ

Luk 3:18

Ning e Jon i warawai tetek la ana Wakak a Warwara i arakrakai la ana galis a warwara sur lar lingir anunla na toltol.

Aposel 13:15

Ning di ka was tar a warwarala ana Buk a warkurai ane Moses pa ana tumtumus ana propetla, a ningnigola ana rumai lotu la arsune tetek diau mang, “Naur a tastasimila, ning ta warwara na arakrakai kaning sur mur atai a taraila ono, mur warwara ka ono.”

Aposel 14:22

Dia arakrakai a tarai a asasaer tagun a natola hanua ning, pa dia wunan la, sur lar tur rakrakai ana nunla tortorot. Dia atai la mange, “A galis a mamahat ir kibas nigon tar dala, lamur ma dalar kas ana matanitu ane God.”

Aposel 15:32

E Judas pa e Sailas dia wunan la pa dia arakrakai la ning la tas ana tortorot ana galis a warwara, anasa diau naur a propet.

Aposel 4:36

Pa e Josep otleng, a barsan misaot na ailan Saiprus, i miting na mangis a tarai Liwai, ning a aposella la atongi e Barnabas, a kamkamna mang a Tena Wunan a taraila.

Aposel 9:31

Lamur a tarai a lotula ting na hananuala rop ana natol a papar Judia, e Galili pa e Samaria, la kes ana bal molmol. Pa a lotu i rakrakai, pa la kes na hanrawai tetek a Leklek, a Talngan Tabu i wunan la, pa a wawas ana tarai a lotula i han kas.

A Pas ane Pol tetek a tarai Rom 12:8

Ning tik, e God i saran tar a artabar teteki sur ir arakrakai a tortorot anuna tarai, i wakak sur ir toli larning. Ning tik, e God i saran tar a artabar na titol na artabar teteki, i wakak ning ir palas a kuna tetek a tarai. Ning tik, e God i saran tar a artabar na titol na ningnigo teteki, i wakak sur ir titol rakrakai sur ir nigon wakak a taraila. Ning tik, e God i saran tar a artabar na titol na marmaris teteki, i wakak ning ir maris a tarai ana gasgas.

A Pas ane Pol tetek a tarai Rom 14:19

I maining dalar rakrakai kol sur dalar tol otnan a bal molmol, pa dalar arakrakai a tortorot anundala artalai.

A Pas ane Pol tetek a tarai Rom 15:2

Dala rop taktakai dalar nuk pas otleng na halalindala, pa dalar tol a ututnala ning ir nangan la sur ir arakrakai anunla tortorot.

1 Korin 10:23

Sakana tik ir atongi mang, “A ututnala rop i wakak ka sur dalar toli,” ika, bel a ututnala rop ir nangan dala. “A ututnala rop i wakak ka sur dalar toli,” ika, bel a ututnala rop ir arakrakai dala.

1 Korin 14:12

Lar otleng ning tetek mulo. Mulo sira rakrakai sur na artabar anuna Talngan Tabu. I wakak sur mulor rakrakai sur na artabar ning ir arakrakai a tarai a lotu.

1 Korin 14:17

I momol, anuma nunung na atong wakak tetek e God i wakak, ika bel i arakrakai tik otleng.

1 Korin 14:26

Na tastasik, asa ar atongi? Ning mulo kes taum ana lotu, dingla na tarai lar saksak, dingla lar asaer a tarai, dingla lar warwara puasa on ta utna ning e God ka asangan tari tanla, dingla lar warwara ana urmatana ngas a warwara, pa dingla otleng lar pak a kamkamna. A ututnala rop ne dir toli sur ir arakrakai a tarai a lotu.

1 Korin 14:31

Ning mulo rop mulo mang sur mulor warwara na propet, i wakak sur tik kaba ir warwara, pa lamur tik maleng, tuk mulo rop mulor warwara. Mulor toli larning, sur a taraila rop lar kibas a asasaer, pa ir wunan la.

1 Korin 8:1

Ar atai mulo ana ututnala na hangan ning di ka artabar tar onoi tetek a asasongo na godla. Dala tasmani mang, dala rop dala ka tastasmai. A tastasim i sira tol otnan a toltol sur tik ir aitna pasi, ika a marmaris i sira tol otnan a toltol sur tik ir arakrakai a taraila.

2 Korin 1:4

I sira amoro mila ana mamahatla rop ning mila kilangi, sur mila otleng milar amoro a tarai ning la kilang a mamahatla, ana armoro ning e God i saran tari tetek mila.

2 Korin 2:7

Pa onone, mulor nuk duman sen anuna toltol laulau ning, pa mulor amoro i, sur gong i bal maris rakrakai, pa ir punga solsol.

Epeses 4:29

Pa gong ta laulau a warwara i purum miting na pahamulo. Mulor atong ka a warwara ning i wakak sur ir arakrakai a tarai pa ir nangan la ana asaning la kapan suri, sur anumulo na warwara ir awakak la ning la longor mulo.

Epeses 6:22

I maining a sune i tetek mulo, sur mulor tasmani mang mila kes mangmangasa, pa ir arakrakai mulo.

Kolosi 4:8

A sune i tetek mulo, sur mulor tasman anumila lalaun i mangmangasa, pa sur ir arakrakai a balamulo.

1 Tesalonika 2:11

Mulo tasmani mang anumitol a toltol tetek mulo rop taktakai i arlar ana toltol ning a barsan i toli tetek na natnatnala.

1 Tesalonika 2:3

Ning mitol nunung mulo sur mulor lingir a nuknukim mulo, bel anumitol a warwara i rongo, bel otleng mitol warwara ana laulau a nuknuk pa bel mitol asongo pas mulo.

1 Tesalonika 3:2

Pa mia ka sune tar e Timoti a tasindala, pa a tena titol ane God taum o miau, ning mitol sira warwara talapor ana Wakak a Warwara o e Karisito. Mia ka sune seni tetek mulo, sur ir arakrakai mulo, pa ir warwara na harnangai tetek mulo ana numulo na tortorot,

1 Tesalonika 4:1

Na tastasimitol, mitol ka asaer tar mulo ana ngas a lalaun sur mulor laun taum ono sur ir agasgas e God. Larotning mulo ka muri. Pa onone mitol nunung mulo, pa mitol arakrakai mulo ana risana Leklek e Iesu, sur anumulo a ngas a lalaun larning ir itna pa ir gomo rakrakai.

1 Tesalonika 4:18

I ma ining, mulor arakrakai artalai mulo ana warwara ne.

2 Tesalonika 3:12

Ana risana Leklek e Iesu Karisito mitol sairas a ngas a taraila ning, pa mitol nunung la, sur lar mur a molmol a lalaun pa lar titol sur anla ta utna na hangan ning lar ieni.

1 Timoti 1:4

Pa gong la molot ana asasaer oros ka, pa ana ususrai ana mangis a tarai, ning bel ta araropna. I tol otnan ka a arlak, pa bel i harnangai ana titol ane God. A titol ane God i gomo ka ana tortorot.

1 Timoti 4:13

Ur rakrakai ana wawas ting na Buk Tabu tetek a tarai a lotu, ur rakrakai ana warawai taum ana asasaerla tetek la, tuk ning ar hanot.

1 Timoti 6:2

Pa la ning anunla ningnigo a tena tortorot, gong la tabun longor teteki, anasa lar nuki mang la tas ka ana tortorot. Lar longlongor wakak teteki, anasa la titol ot tetek a tena tortorot, ning la mangi. Ur asaer la pa ur arakrakai la ana asasaerla ne.

2 Timoti 4:2

Ur warawai ana Wakak a Warwara, ur rakrakai onoi ana pukakiar ning a taraila la mang sur lar longor u, pa a pukakiar ning bel la mang suri. Ur atostos a taraila, ur atalapor anunla rongo tetek la pa ur arakrakai la. Ning ur toli larne, ur titol taum ana molmol a toltol pa ur asaer wakak la.

Taitus 1:9

Ir tong akes a momol a asaer ning di ka asaer tari ono, sur ir arakrakai otleng a tarai ana tostos a asaer, pa ir atong puasa a rongo anunla ning la sairas a asaer ning.

Taitus 2:15

Ur asaer la ana ututnala ne. Ur arakrakai a tarai, pa ur atong puasa anunla na rongo namatanla. Ur toli ana rakrakai ning e God ka saran tari tam. Pa gong u noren tar tik sur ir oroi purum u.

Taitus 2:6

Larne, ur arakrakai a barmanla, sur lar warkurai tostos anunla a lalaun.

Taitus 2:9

Ur atai na tena titol oros sur lar longor anunla na ningnigo, pa lar agasgas la ana titolla rop ning la toli, pa gong la balu warwara.

Hibru 10:25

Gong dala manah kusun anundala na keskes taum ting na lotu, larning dingla na tarai la sira toli. Dalar arakrakai artalai dala, pa dalar rakrakai onoi, anasa mulo oroi mang ka milau sur a pukakiar anuna Leklek ir hanot.

Hibru 13:22

Na tastasikla, a nunung mulo sur mulor longor wakak a warwara na harnangai ne, anasa a pas ne a tumusi tetek mulo bel i barah.

Hibru 3:13

Mulor warwara na harnangai artalai tetek mulo, ana pukpukakiarla rop ning di atongi mang “onone.” Mulor toli larning, sur gong a toltol laulau ir asongo pas tik o mulo, pa ir arakrakai alar a balana.

1 Pita 5:12

E Sailas i nangan iau ning a tumus a natar a pas ne tetek mulo. E Sailas a tasik ana tortorot, ning a tortorot kol onoi. Ana pas ne, a mang sur ar arakrakai mulo pa ar atai talapor mulo ana marmaris momol ane God. Mulor tur rakrakai onoi.

A Pas ane Jut 1:20

Ika mulo, na halalik, ir wakak ning mulor arakrakai anumulo a totoh a tortorot, pa mulor nunung ana rakrakai ana Talngan Tabu.