1 Korin 14:18 - Label

¹⁸ A atong wakak tetek e God, anasa a lasan kol ana warwara ana urmatana ngas a warwara ta mulo rop.

1 Korin 14:18 ပူးပေါင်းရင်းမြစ်များ

1 Korin 14:17

I momol, anuma nunung na atong wakak tetek e God i wakak, ika bel i arakrakai tik otleng.

1 Korin 14:19

Ika ning a kes taum ana tarai ana lotu par atong ka ir dilima na puka warwara ning a kamkamna ir talapor tetek la sur ar asaer la ono, i ning i wakak kol tana ning a bonot a rip a puka warwara ana warwara masik, ning bel lar longor lalani.

1 Korin 14:2

Anasa tik ning ir warwara ana urmatana ngas a warwara, bel i warwara tetek a tarai, i warwara tetek e God. A tarai bel la tasman a kamkamna. I atong a ututnala na pidik ana rakrakai a Talngan Tabu.

1 Korin 14:4

Tik ning i warwara ana urmatana ngas a warwara i arakrakai pasi ot. Ika, tik ning i warwara na propet i arakrakai a tarai a lotu.

1 Korin 14:5

A mang sur mulo rop mulor warwara ana urmatana ngas a warwara, ika a mang kol sur mulor warwara na propet. Esaning i warwara na propet i wakak kol ta esaning i warwara ana urmatana ngas a warwara. Ika, ning tik ir papak ana kamkam a urmatana ngas a warwara sur ir arakrakai a tarai a lotu, i wakak larotleng ning a warwara na propet.

1 Korin 4:7

Esining i atongi mang u wakak tan ta halinla? Asa anumi ning e God bel i saran tari tam? Ning e God ka saran tar na ututna tam, sur asa ning u iaunan pas u onoi?