1 Korin 13:2 - Label

² Ning ar tong akes a artabar sur ar warwara na propet, pa ning ar tasman a ututnala na pidik rop pa na tastasim rop, pa ning ar tong akes a tortorot sur ar akarai na mangir, ika ning bel a lasan ana marmaris, iau a utna oros ka.

1 Korin 13:2 ပူးပေါင်းရင်းမြစ်များ

Matiu 13:11

Pa i keles la mang, “E God ka saran tar a tastasim ta mulo, sur mulor talapor ana ututnala ana matanitu misaot na langit, ning nating i kes kumna. Ika, bel i sarani tetek a tarai rop.

Matiu 17:20

Pa i keles la mang, “Anasa anumulo a tortorot i natarna kol. A atong momoli ta mulo, ning anumulo a tortorot i natarna arlar ana pata mastad, mulor tolsot pasi sur mulor atongi tana mangir ne mang, ‘Ur susur mite utumo,’ pa ir susur ka. Bel ta utna ir ngangaten tetek mulo.”

Matiu 21:19

I oroi pas a rakai a fig i tur tar ting na ris a ngas. I han milau i, ika bel i oroi al wana, a pakana rop ka. Pa i atongi tana rakai ning mang, “Turpasi anone pa lamur, bel ur wai ulak ma.” Ono otning, a rakai i marang.

Matiu 21:21

E Iesu i keles la mang, “A atong momoli ta mulo, ning mulo tortorot, pa bel mulor urmatana nuknuk, mulor tol a titol ne a toli ana rakai a fig. Belsur i ka ine ning mulor toli. Ning mulor atongi otleng tetek a mangir ne mang, ‘Ur takakan pa ur sirok parung usa latasi,’ ir toli ka.

Aposel 13:1

A propetla pa a tena asaerla tagun a tarai a lotu tumo e Antiok a risanla ne: e Barnabas, e Simion ning a risana otleng e Niger, pa e Lusius a te Sairini, e Sol pa e Manain ning di lawat taum diau ma e Herot a ningnigo.

A Pas ane Pol tetek a tarai Rom 11:25

Na tastasikla, a mang sur mulor tastasim ana utna ning nating i mumun, sur gong mulo aitna pas mulo. I manglarne: Dingla na tarai Israel, ir rakrakai a balanla, tuk ning a wawas ana tarai masik ning la tortorot, ir arlar ana nuknuk e God.

A Pas ane Pol tetek a tarai Rom 15:14

Na tastasikla, a tasmani ot mang mulo bukus ana wakak a toltol pa a tastasim, pa mulo tolsot pasi sur mulor asaer artalai mulo.

A Pas ane Pol tetek a tarai Rom 16:25

Dalar atong aleklek pas e God! I tolsot sur ir tong rakrakai mulo ana tortorot, arlar ana nuna warwara ana Wakak a Warwara ning a sira warawai onoi, a Wakak a Warwara o e Iesu Karisito. A Wakak a Warwara i mumun tagun nating ot.

1 Korin 11:4

Ning ta barsan ir nunung o ir warwara na propet, pa ka pol alar pas a pukulna, i ame a pukulna.

1 Korin 12:28

E God ka suah tar a taraila arpotor tan a tarai a lotu larne: a ningnigona ot na aposel, a munaurna na propet, a munatolna na tena asaer, pa la otleng ning la tol a ututnala na kulkulan, pa la ning la kibas a artabar sur lar alangolango pas a tinsamanla, pa la ning la nangan a taraila, pa la ning la sira nigon a taraila ana titolla, pa la ning la warwara ana urmatana ngas a warwara.

1 Korin 13:1

Ning ar warwara ana urmatana ngas a warwara anuna taraila pa anuna angelola otleng, ika ning bel ar lasan ana marmaris, a arlar ka ana garamut ning i aregaia kol, o a kudu ning i tangtangis oros ka.

1 Korin 13:3

Ning ar saran sen anuka ututnala rop tetek na kapan a tarai, par saran a palaok otleng sur dir tun iau, ika ning bel a lasan ana marmaris, bel ir nangan iau.

1 Korin 13:8

A marmaris bel ir rop lar pas. Ika na warwara na propet lar rarop ka, a urmatana ngas a warwara lar rarop ka, pa a tastasim otleng ir rarop ka.

1 Korin 14:29

Ir naur o ir natol, ditol ir warwara na propet, pa a taraila lar nuknuk wakak ana nunditol a warwara ning i momol o bel.

1 Korin 14:39

I maining, na tastasik, mulor mang kol sur mulor warwara na propet, pa gong mulo sairas tik ning i warwara ana urmatana ngas a warwara.

1 Korin 14:4

Tik ning i warwara ana urmatana ngas a warwara i arakrakai pasi ot. Ika, tik ning i warwara na propet i arakrakai a tarai a lotu.

1 Korin 15:51

Mulo longor, ar atai mulo ana utna na pidik larne: Bel dala rop dalar mat, ika e God ir lingir pas dala rop.

1 Korin 16:22

Ning tik bel i mang sur a Leklek, ir hirua tikin. A Leklek, han ute!

1 Korin 4:1

I wakak sur mulor nuknuk o mila lar mila na tena titol oros ane Karisito, ning e God i saran tar anuna warwarala tetek mila sur milar apuasa i tetek a taraila. A warwarala ne, nating i mumun tar.

1 Korin 7:19

A toltol ning di kot talilis a palaona tik, o bel di kot talilis a palaona, i a utna oros ka. Ika a toltol ning tik i mur a warkuraila ane God, i ning, i itna kol.

1 Korin 8:4

Ar atai mulo ana ngasna ning a taraila la sira toli ning la ien a ututnala, ning di ka artabar tar onoi tetek na asasongo na god. Dala tasmani mang a manar ning di koti a utna oros ka mite na rakrakan hanua, belsur a lalauna. Dala tasmani mang takai a God ka, pa bel tik ulak.

2 Korin 12:11

Ia ka atong tar na longlong a warwara ne, anasa bel mulo nuki mang iau a aposel momol. I tostos sur mulo ot mulor oroi lalan iau mang iau a aposel momol. I momol ot, iau a barsan oros ka, ika bel a natarna tanla ning mulo atong la mang a tatatnan na aposella.

Galesia 5:16

Onone, ar atongi tetek mulo mange: Mulor noren a Talngan Tabu ir nigon anumulo a lalaun. Ning mulor toli larning, bel mulor mur a lalaun turai.

Galesia 5:22

Ika, a wana Talngan Tabu ine la: A marmaris, a gasgas, a bal molmol, a kes wowon, a harnangai tetek tik masik, a wakak a toltol, a momol a toltol tetek tik,

Galesia 6:3

Ning tik i nuki mang i leklek, ika bel, i ot i asongo ulak pasi.

Epeses 3:4

Pa ning mulor wasi, mulor tasman asaning ia ka talapor ono, ana utna ning i mumun tar o e Karisito.

Epeses 6:19

Mulor nunung otleng hok, sur e God ir saran tar a warwarala tak sur ar atongi, pa gong a matmataut ning ar apuasa a ututnala ning nating la mumun pa onone la hanot talapor ting na Wakak a Warwara.

Kolosi 1:26

A warwara ne, a utna ning nating i mumun tar kusun a tarai tagun nating, ika onone e God ka apuasa i tetek anuna tarai.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

1 Jon 4:8

Esining bel i tasman a marmaris, bel i tasman e God, anasa e God a marmaris.