1 Korin 12:18 - Label

¹⁸ Ika e God ka suah taum tar a didiah palaondala rop taktakai, arlar ot ana nuknukna.

1 Korin 12:18 ပူးပေါင်းရင်းမြစ်များ

Luk 10:21

Ana taem ning, e Iesu i bukus ana gasgas ana Talngan Tabu pa i atongi mang, “Tata, u a Leklek misaot na langit pa rakrakan hanua rop. Ar rakan aleklek pas u, anasa u bunur a ututnala ne kusun a tena tastasmaila pa la ning la tastasman, pa u apuasa i tetek la ning la arlar ana kakakla. A momolna, Tata, u mang ot sur ir manglarning.

Luk 12:32

“A natara liur a sipsip, gong mulo matmataut, anasa e Tamamulo i gas sur ir saran a matanitu tetek mulo.

A Pas ane Pol tetek a tarai Rom 12:3

Anasa ana nuna marmaris tetek iau, a atongi tetek mulo rop taktakai mang: Gong mulo aitna kol pas mulo ot. Mulor nuknuk wakak omulo, arlar ot ana tortorot ning e God ka saran tari ta mulo.

A Pas ane Pol tetek a tarai Rom 12:6

Ana marmaris ane God, i saran tar a maskana artabar tetek dala taktakai. Ning tik, e God i saran tar a artabar na warwara na propet teteki, i wakak ning ir titol wakak onoi, arlar ana nuna tortorot.

1 Korin 12:11

Takai ka a Talngan Tabu ning i tol na titol rop ne. Pa i tabar taktakai onla, arlar ana nuknukna ot.

1 Korin 12:17

Ning a kidol a palaona a matana rop ka, ir longor ma mangmangasa? Ning a kidol a palaona a talngana rop ka, ir isisong ma mangmangasa?

1 Korin 12:19

Ning a didiah palaondala rop la arlar ka, ir kidol ma mangmangasa?

1 Korin 12:24

Pa didiah palaondala ning la tatatai wakak, bel la kapan sur ta utna. Ika e God ka suah taum tar a didiah palaondala, pa a didiah palaondala ning dala nuki mang bel la wakak ka saran tar a matatar tetek la.

1 Korin 12:28

E God ka suah tar a taraila arpotor tan a tarai a lotu larne: a ningnigona ot na aposel, a munaurna na propet, a munatolna na tena asaer, pa la otleng ning la tol a ututnala na kulkulan, pa la ning la kibas a artabar sur lar alangolango pas a tinsamanla, pa la ning la nangan a taraila, pa la ning la sira nigon a taraila ana titolla, pa la ning la warwara ana urmatana ngas a warwara.

1 Korin 15:38

Ning ir gomo, ir hanot ot a ngas a rakai arlar ana nuknuk e God. Taktakai a ngas a pata rakai ir gomo ot a rakaina ot.

1 Korin 3:5

Esining e Apolos? Pa esi otleng e Pol? Miau naur a tena titol oros ka ane God, pa mulo tortorot o e Karisito anasa ana numiau a titol. Miau taktakai mia tol a titol ning a Leklek i saran tari tetek miau.

Epeses 1:5

Ana nuna marmaris, nating ot ka aslang dala sur ir ras pas dala sur dala natnatnala, ning dala kes o e Iesu Karisito. Ana nuknukna ot pa ana nuna gasgas i toli larne.

Epeses 1:9

E God i apuasa dala ana ututnala ning ir toli, ning nating i mumun, pa ir tolsoti o e Karisito. Ana ututnala ne i mur ot a nuknukna, pa i gas suir toli.

Tatatai 4:11

“Anumila a Leklek pa anumila a God, i tostos kol sur dir aitna pas u pa dir hanrawai u, pa i tostos kol ning ur tong akes a rakrakai, anasa u, u akes a ututnala rop. U akes la ana nuknukim ot, pa la laun ka hom.”