1 Korin 11:2 - Label

² A atong aitna pas mulo, anasa mulo sira nuk pas iau ana ututnala rop, pa mulo mur na asaer ning ia ka asaer tar mulo onoi.

1 Korin 11:2 ပူးပေါင်းရင်းမြစ်များ

Luk 1:6

Dia naur a tena tostos namatana e God, dia mur wakak a Warkuraila rop anuna Leklek.

1 Korin 11:17

Ana toltolla ning onone ar atai mulo onoi, bel ar atong aitna pas mulo. Anasa, ning mulo sira kes taum ana lotu, bel mulo awakak mulo, mulo alaulau mulo ka.

1 Korin 11:22

Mangasa, bel al rumai anumulo sur mulor hangan pa mulor gang ia? Mangasa, mulo oroi purpurum a tarai a lotu ane God, pa mulo ame la ning la kapan? Asa ning ar atongi tetek mulo? Mangasa, ar atong aitna pas mulo ana toltol ne? Bel!

1 Korin 15:2

Ning mulo tong akes a warwara ning ia ka warawai tar onoi tetek mulo, e God ir alaun pas mulo ana Wakak a Warwara ne. Ning bel, mulo tortorot oros ka.

1 Korin 4:17

Ine i a kamna ning a sune sen e Timoti tetek mulo. I a natuklik ning a mang kol suri, pa i sira momol ana titol anuna Leklek. Ir anuknuk tar mulo ulak ana nuk na toltol, ning i kamna pas ana nuk a keskes taum o e Karisito Iesu. Anuk na toltol i arlar ana nuk a asaer tetek a tarai a lotu ana hananuala rop.

1 Korin 7:17

Taktakai ir laun ot arlar ana lalaun ning a Leklek i saran tari tana, pa arlar ana ngas a keskes kaning tana, ning e God i kabah pasi. A saran a warkurai ne tetek a tarai a lotu ting na hananuala rop.

1 Tesalonika 1:6

Mulo ka mur pas a ginimitol pa a ginina Leklek. A tarai la alaulau mulo, ika mulo tong akes a warwara ana gasgas, ning a Talngan Tabu i sarani ta mulo.

1 Tesalonika 3:6

Ika onone e Timoti ka ulak kusun mulo tingia ute tetek miau. I abaran a wakak a warwara talapor o mulo tetek miau, ana numulo a tortorot pa anumulo a marmaris. I atai miau mang mulo sira gas ning mulo sira nuk ulak pas anundala keskes taum nating, pa mulo mang kol sur mulor oroi mitol, larning mitol otleng mitol mang kol sur mitol ar oroi mulo.

2 Tesalonika 2:15

Pa larning, na tastasimitol, mulor tur rakrakai, pa mulor nuk akes a asasaerla ning mitol ka asaer tar mulo onoi. A asasaerla ning mitol ka atai tar mulo onoi o mitol ka tumus tari otleng tetek mulo.

2 Tesalonika 3:6

Na tastasimitol, mitol nunung mulo ana risana Leklek e Iesu Karisito, sur mulor han masik kusun na tastasindala ning la ngoro pa bel la mur a asasaerla ning mitol atai mulo onoi.