1 Korin 10:27 - Label

²⁷ Ning tik ning bel i tortorot i nunung mulo, sur mulor hangan taum onoi, pa mulo mang sur mulor han, i wakak ka. Pa a ututnala rop ning di tabar mulo onoi, mulor ieni ka, pa gong mulo kabah onoi, sur gong a nuknukimulo ir tiu mulo.

1 Korin 10:27 ပူးပေါင်းရင်းမြစ်များ

Luk 15:23

Mulor han, mulor dat pas ta nat a bulumakau ning i but ute, mulor umkoli, pa dalar hangan pa dalar gasgas taum.

Luk 19:7

Ning a tarai rop la oroi, la anani mang, “A barsan ne i han sur ir kes taum ana tena laulau ting na nuna rumai.”

1 Korin 10:25

A inagoila rop ning di siuran la ting na rumai a sisiuran, mulor ieni ka. Pa gong mulo kabah ning di ka artabar tar onoi tetek a manar ning di koti o bel, sur gong a nuknukimulo ir tiu mulo mang mulo tol a laulauna.

2 Korin 1:13

Mila tumtumus ka tetek mulo ana ututnala ning mulor was lar pasi, pa mulor talapor ono. Mulo ka talapor siklik omila, ika a tortorot mang lamur mulor talapor wakak omila. I maining ana pukakiar ning a Leklek ir hanot ulak, mulor iaunan mila, arlar o mila, milar iaunan mulo.

2 Korin 4:2

Mila ka manah kusun a toltol laulaula ning a tarai la sira tol kumnani pa la sira meme ono. Bel mila titol ana asasongo, pa bel mila pak rongo a warwara ane God. Mila pak talapor a momol a warwara tetek a tarai, sur lar oroi lalani ot ting na nuknukinla mang mila atong a momolna namatana e God.

2 Korin 5:11

Mila titol kol sur milar akamtur a nuknuk a tarai sur lar tortorot, anasa mila matmataut sur a Leklek. E God i tasman mila mang mila esi na ngas a tarai, pa a tortorot mang mulo otleng mulo tasman mila.