1 Korin 1:2 - Label

² tetek mulo a tarai a lotu ane God to e Korin. Mulo ning e Karisito Iesu i atotoh pas mulo, pa i kabah pas mulo sur mulo a tarai ane God. Mulo a tarai ane God taum ana tarai rop ting na hanua rop ning la sira lotu ana risana anundala a Leklek e Iesu Karisito, esaning a Leklek anunla pa anundala otleng.

1 Korin 1:2 ပူးပေါင်းရင်းမြစ်များ

Aposel 10:36

Mulo tasmani mang e God ka saran sen anuna warwara tetek a tarai Israel. A warwara ne, i a Wakak a Warwara ana bal molmol kamna o e Iesu Karisito, i ning a Leklek anuna tarai rop.

Aposel 15:9

Bel i purpurngis ondala, anasa i atotoh la otleng ning la tortorot.

Aposel 18:1

Ning a ututnala ne ka rop, e Pol i han mitimo e Atens uto e Korin.

Aposel 22:16

U kes pas asa? Ur tur, pa dir baptais u, pa ur nunung ana risana, sur dir kepsen anum na toltol laulaula.’

Aposel 26:18

Ur apalpalas a matanla sur lar talingir kusun a mormorom sur a talapor, pa kusun a rakrakai ane Satan tetek e God, sur dir kepsen anunla na toltol laulau, pa lar kes taum onla ning a aslang pas la sur anuka tostos a tarai, la ning la tortorot hok.’

Aposel 9:13

Pa e Ananias i kelesi mang, “Leklek, ia ka longor a galis a warwara ana barsan ning, pa a toltol laulau ning i toli ona anuma tarai saot e Jerusalem.

Aposel 9:14

Pa a leklek a tena artabarla tetek e God la malmaling seni sur ir dat la rop ning la lotu ana risam. Pa i hanot te e Damaskus.”

Aposel 9:21

Pa la rop ning la longori, la kulkulan onoi pa la atongi mang, “A barsan kaning, i umkol la ning la lotu tetek e Iesu saot e Jerusalem. Pa ne i hanot ute sur ir dat pas a tarai a lotu o e Iesu, tetek a leklek a tena artabarla tetek e God.”

A Pas ane Pol tetek a tarai Rom 1:7

A tumus a pas ne tetek mulo rop ting e Rom, ning e God i maris mulo pa i kabah pas mulo sur mulo anuna taraila. A marmaris pa bal molmol tetek mulo ta e God a Tamandala pa tana Leklek e Iesu Karisito.

A Pas ane Pol tetek a tarai Rom 10:12

I arlar rop ka tetek a tarai Juda pa tetek a tarai masik otleng: Takai ka a Leklek anundala rop. Pa ir angisngis la rop ning la nunung teteki.

A Pas ane Pol tetek a tarai Rom 3:22

A ngas ne i hanot ta e God, pa i mange: A tarai rop ning la tortorot o e Iesu Karisito, e God ir atong la mang la tostos. A tarai Juda pa a tarai masik otleng la arlar ka.

A Pas ane Pol tetek a tarai Rom 8:28

Pa dala tasmani mang a ututnala rop ning i hanot, e God i titol onoi sur a wakakna ir hanot tetek la ning la mang sur e God, pa ka kabah pas la arlar ana nuknukna.

1 Korin 1:30

E God ot ka tol tar a ngas sur mulor laun taum o e Karisito Iesu, pa i saran tari sur i a kamkama anundala na tastasim ta e God. O e Karisito, e God i atong dala mang dala tostos namatana, pa dala totoh namatana. Pa ana titol ane Karisito, e God i lou alangolango pas dala kusun anundala na toltol laulau.

1 Korin 10:32

Gong mulo tol ta utna ning ir apungan tik anasa ir tol a toltol ning a nuknukna ir tiwi onoi. Tik miting na tarai Juda, o miting na tarai ning bel a tarai Juda, o miting na tarai a lotu ane God.

1 Korin 12:27

Mulo ot a palaona e Karisito, pa mulo rop taktakai a didiah palaona.

1 Korin 8:6

Ika, dala tasmani mang takai ka a God, a Tamandala, ning a kama ututnala rop, esaning dala laun suri. Pa dala tasmani mang takai ka a Leklek, i e Iesu Karisito, ning i akes a ututnala rop, pa i saran tar a lalaun tetek dala.

2 Korin 1:1

Iau e Pol, a aposel anun e Karisito Iesu ana nuknuk e God, miau ma e Timoti a tasindala, mia tumus a pas ne tetek mulo a tarai a lotu ane God tingia e Korin, pa a tarai rop ane God ting na papar Akaia.

2 Korin 4:5

Bel mila warawai o mila ot, mila warawai ka o e Iesu Karisito mang i a Leklek. Pa mila anumulo na tena titol ka, kamna ana arsune ane Iesu.

Galesia 1:2

Pa a tastasikla rop ning mila kes taum te, la malmaling taum hok ana pas ne tetek mulo a tarai a lotu rop ting na papar Galesia.

Epeses 5:26

sur la anuna tarai momol. Pa i gos totoh la ana malum pa anuna warwara.

1 Tesalonika 1:1

Iau e Pol, Sailas, pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito. A marmaris pa a bal molmol tetek mulo.

1 Tesalonika 4:7

Anasa e God bel i kabah pas dala sur a dur a toltol, i kabah pas dala sur dalar mur a totoh na lalaun.

2 Tesalonika 1:1

Iau e Pol, Sailas pa e Timoti, mitol tumtumus tetek mulo a tarai a lotu to e Tesalonika, mulo ning mulo laun o e God e Tamandala pa a Leklek e Iesu Karisito.

1 Timoti 2:8

A mang sur a barsanla ting na hananuala rop, lar totoh pa lar tuslan a kunla usaot pa lar nunung, pa gong la balakut pa gong la arlak.

1 Timoti 3:15

Pa ning bel ar hanot kapit, u ka tasman a toltol ning a tarai ane God lar toli na arpotor tanla. A tarai a lotu ane God ning i laun, la arlar ana pos pa a kama rumai ning la arakrakai a momolna.

2 Timoti 1:9

Ai ot ka alaun pas dala, pa ka kabah pas dala sur dala anuna totoh na taraila. Bel i kamkamna ana nundala wakak a titol. I kamkamna ot ana nuknukna, pa anuna marmaris, ning i saran tari tetek dala o e Karisito Iesu, nating ot ning belot i akes a rakrakan hanua.

2 Timoti 2:19

Ika, e God ka suah tar a kama tortorot ning bel ir gulgule, pa di ka tumus tar a warwara onoi mange, “A Leklek i tasman la ning anunai.” Namba 16:5 Pa di ka tumus tari otleng mange, “Esining i atongi mang ai anuna Leklek ir gilam kusun a toltol laulau.”

2 Timoti 2:22

Ur han masik kusun a nuknuk na barman, pa ur mur a tostos a toltol, a tortorot, a marmaris pa a bal molmol, taum onla ning la nunung tetek a Leklek ana totoh na nuknukinla.

Hibru 10:10

E Iesu Karisito i mur sot pas a nuknuk e God ning i saran tar a palaona ot sur a artabar tetek e God. I saran muntakai tari ka. Pa nuna artabar ning i atotoh pas dala namatana e God.

Hibru 13:12

Mang otleng larning e Iesu i kilang kankan pa i mat tumo lapiu na woroh na tnan hanua, sur ir atotoh a tarai ana sulukna ot.

Hibru 2:11

E Iesu taum ana tarai ning i atotoh pas la kusun a nunla na toltol laulaula, takai a Tamanla ka. Ine a kamkamna ning e Iesu bel i meme sur ir atong la mang na tastasna.

A Pas ane Jut 1:1

Iau e Jut, a tena titol oros ane Iesu Karisito pa a tas e Jems. A tumus a pas ne tetek mulo, ning e God a Tamandala ka kabah pas mulo, pa i maris mulo, pa mulo kes ting na tatatai alar ane Iesu Karisito.

Tatatai 19:16

Ting na nuna kaen pa ting na kinwar a hana, di ka tumus tar a risana larne, A King anuna kingla pa Leklek anuna leklekla.