1 Korin 1:12 - Label

¹² Ar pak a kamkam a warwara ne mang: Dingla na tarai o mulo la atongi mang, “A mur e Pol,” dingla la atongi mang, “A mur e Apolos,” dingla la atongi mang, “A mur e Pita,” pa dingla otleng la atongi mang, “A mur e Karisito.”

1 Korin 1:12 ပူးပေါင်းရင်းမြစ်များ

Matiu 23:8

“Ika, gong di atong mulo a tena asaerla, anasa takai a Tena Asaer sot ka anumulo. Pa mulo tas.

Jon 1:42

E Endru i ben e Saimon tetek e Iesu. Ning e Iesu i oroi i, i atai i mange, “U e Saimon, a nat e Jon, dir atong a risam mang e Kepas.” (Ana warwara Grik di atongi mang e Pita, a kamkamna a hat.)

Aposel 18:24

Ning a te Juda mito e Aleksandria, a risana e Apolos, i hanot to e Epeses. I ning a wakak a tena warwara, pa i tastasman kol ana Buk Tabu.

Aposel 19:1

Ning e Apolos i kes ting e Korin, e Pol i mur a ngas bual pa i hanot to e Epeses, pa i pastek pas dingla na tarai a asasaer tingia.

1 Korin 1:11

Na tastasik, dingla na tarai ning la kes ting na rumai ane Kloe, la atai iau mang mulo sira arlak artalai.

1 Korin 15:5

Pa i hanot tetek e Pita, pa lamur tetek ning a bonot pa pisir naur a aposel.

1 Korin 15:50

Na tastasik, a atongi tamulo mang, a palaondala mite lapiu bel ir kas ting na matanitu ane God. A palaondala ning i sira marase ka, bel ir kas ting na matanitu ane God, ning bel ir marase.

1 Korin 16:12

A mang sur ar atai mulo ana tasindala e Apolos. A nunung rakrakai i mang ir han taum ana tastasindala tetek mulo, ika belot i mang suir han. Lamur ning ta ngas ir sapang teteki, ir han ot.

1 Korin 4:6

Na tastasik, ia ka atong tar na warwara ne o miau ma e Apolos sur ir nangan mulo pa ir asaer mulo, sur mulor talapor ana kama warwara ne: “Mulor mur ka a warwara ning di ka tumus tari ting na Buk Tabu, pa gong mulo suah tar ta puka warwara otleng.” Ning mulor muri larning, bel ta halimulo ir aitna pas tik, pa ir anatarna pas tik otleng.

1 Korin 7:29

Na tastasik, a atongi larne, a pukakiar ka milau. Turpasi onone, na barsan ning la taulai, lar laun larning bel la taulai.

1 Korin 9:5

Na aposel, pa na tastas a Leklek, pa e Pita la sira ben taltal anunla na hane ning la tortorot. I tostos ot sur mila otleng milar toli larning.

2 Korin 10:7

Mulor oroi wakak a ututnala! Ning tik i nuki mang i ane Karisito, i wakak sur ir nuknuk wakak pa ir oroi lalani mang mila otleng ane Karisito, arlar ka onoi.

2 Korin 9:6

Mulor nuk pasi, esining i oman siklik, ir sol pas ka otleng al siklik. Pa esining i oman a galis, ir sol pas otleng al galis.

Galesia 2:9

E Jems, Pita pa e Jon, ning a tarai la tasmani mang natola a ningnigo, ditol oroi lalan a marmaris ning e God i tabar iau ono, pa ditol sikan miau ma e Barnabas sur miar titol. Ditol malmaling sur miar han tetek a taraila ning bel a tarai Juda, pa ditol, ditol ar han tetek a tarai Juda.

Galesia 3:17

Ine a kamkamna: A Warkuraila ning la hanot diat a mar pa natol a bonot a rau lamur, bel la lingir lar pas a malmaling taum ane God tetek e Abaram, ning e God i lele nigo tar teteki.