1 Jon 5:21 - Label

²¹ Na natnatukla, mulor tai alar mulo kusun a asasongo na godla.

1 Jon 5:21 ပူးပေါင်းရင်းမြစ်များ

Matiu 6:13

Gong u ben mila uting na arlam. Ur alaun mila kusun a Tena Laulau.’

1 Korin 10:14

I maining na halalik, gong mulo lotu tetek a asasongo na godla, mulor liu kusun la.

1 Korin 10:7

Gong mulo lotu tetek a asasongo na godla arlar ana dingla na tarai onla. Larning di ka tumus tari ting na Buk Tabu larne, “A taraila la kes sur lar hangan pa lar gang, pa la tur ulak sur lar mon oros kama ana palaonla.” Kisim Bek 32:6

1 Tesalonika 1:9

Anasa la ot la warwara talapor ana numulo a wakak a toltol ning mulo gas pas mitol. Pa la atatai otleng o mulo, ning mulo ka talingir tar tetek e God, pa bel mulo lotu ma tetek a asasongo na godla. Mulo titol ma tetek e God, esaning a momolna pa a lalauna.

1 Jon 2:1

Na natnatukla, a tumus a ututnala ne tetek mulo sur gong mulo tol a toltol laulau. Ika ning tik ir tol a toltol laulau, anundala a tena harnangai, e Iesu Karisito a Tena Tostos, ir atalapori tetek e Tamana.

Tatatai 14:11

Pa a sasawan ana nunla na kankan ir sasawan kas, bel ir rop pa bel ir rop. La ning la lotu tetek a rokoio a inagoi pa manarna, pa la ning a akinalang ana risana kaning on la, bel lar manah ana kamisla pa moromla.”

Tatatai 9:20

Pa a tarai ning a laulau a akadikla ne bel i um kol la, bel la lingir a nuknukinla kusun a manarla ning la toli ona kunla. Bel la manah ana lotu tetek a motla pa na manarla ana gol, pa silwa, pa bras, pa hat, pa na rakaila. Na manarla ning, bel la tai, bel la longor pa bel la sira han.